Concello de Carballo
Contacto |
Aviso legal |
Accesibilidade |
Libro de visitas |
Mapa web |
Menú:
Destacados
Poboación do Concello:
Xa somos 31.161
Actualidade de Atención Cidadá
MELLORA DAS RÚAS CHILE, BOS AIRES E PONTEVEDRA
Principian os traballos de urbanización do polígono 27 da capital municipal, situado no entorno da Rúa Perú
A principios desta semana os operarios da empresa Construcciones Vázquez y Reino comezaron a delimitar a zona onde xa se están desenvolvendo nestes momentos os traballos de urbanización do polígono 27 da capital carballesa. A actuación comprende un ámbito de máis de 10.000 metros cadrados no entorno da rúa Perú, aínda que tamén supón a dotación de servizos para as rúas Chile, Bos Aires e Pontevedra. En todas elas está prevista a instalación de canalizacións e alumeado, a pavimentación do firme e a creación de beirarrúas, do mesmo xeito que se ten feito xa no polígono 26, situado ao seu carón e que supuxo a mellora do primeiro treito da rúa Perú. O desenvolvemento desta zona implica a cesión ao Concello dunha parcela de 1.300 metros cadrados para equipamentos.
O Concello favorece a integración das mulleres inmigrantes coa celebración de cursos formativos
Aprobado o proxecto de urbanización do polígono 11, situado no entorno da Vila de Negreira
Actualidade de Vive en Carballo
08/02/2010 A exposición do III Premio de Arte Gráfico Internacional Jesús Núñez: no Pazo da Cultura até o 25 de febreiro
A sala do andar -1 do Pazo da Cultura de Carballo acolle até o 25 de febreiro unha selección de 30 das 219 obras presentadas ao III Premio de Arte Gráfico Internacional Jesús Núñez, prestixioso certame centrado no gravado e organizado pola Deputación da Coruña e que conta coa colaboración da Fundación CIEC (Cento Internacional da Estampa Contemporánea de Betanzos), situada na casa natal de Jesús Núñez, unha das figuras vivas máis importantes do arte galego. A mostra inclúe o primeiro premio e os dous accésits concedidos, que recaeron en tres xilografías. O primeiro, cunha dotación de 6.500 euros, foi a parar a unha madrileña, Eva Satín, con 'Invisible Darkness'; e os dous accésits recaeron en dous autores arxentinos: Alicia Candiani con 'Serie continentes', e Alberto César Lavera con 'Retrospectiva'. A exposición pode visitarse en horario de 18.00 a 21.00 horas.
Axenda de Vive en Carballo
08/02/2010 A exposición do III Premio de Arte Gráfico Internacional Jesús Núñez: no Pazo da Cultura
Actualidade de Inviste en Carballo
05/02/2010 O Grupo de Acción Costeira Costa da Morte organiza unha campaña informativa sobre as axudas europeas
O Grupo de Acción Costeira Costa da Morte (GAC3), do que o Concello de Carballo forma parte, informa de que durante os próximos días realizará unha serie de sesións informativas destinadas aos posibles promotores, axentes sociais, público en xeral e interesados e interesadas no programa de axudas establecidas ao abeiro do Eixe 4 do Fondo Europeo de Pesca, centrado no desenvolvemento sostible das zonas pesqueiras a través do progreso local e a reestruturación da actividade. Hai que lembrar que o GAC3 está formado polos concellos de A Laracha, Malpica, Ponteceso, Cabana, Laxe, Vimianzo, Camariñas e Muxía, ademais de Carballo. As sesións desenvolveranse os días 11, 12 e 13 de febreiro nas localidades de Camariñas, Cabana e Malpica, respectivamente.
© Concello de Carballo, 2009