Concello de Carballo
Destacados
Axenda municipal: 5 de xullo 2012
Axenda do Concello
O Fórum Carballo acolle o curso da Escola de Arquitectura da UDC "Estratexias cidadás para os tempos da crise"
10:00 O Fórum acolle a celebración do curso "Estratexias cidadás para os tempos da crise", organizado pola Escola Técnica Superior de Arquitectura (ETSA) da Universidade da Coruña (UDC) coa colaboración do Concello de Carballo. Entre o 2 e o 6 de xullo está prevista a celebración de conferencias no auditorio da nave 1 do Fórum entre as 10.00 e as 14.00 horas, mentres que pola tarde está prevista a realización de traballo de campo de 16.00 a 19.00 horas. Para obter máis información, premer aquí.
Axenda Vive
A mostra colectiva "Obras por descubrir": na sala de exposicións Alberto Gende do Pazo da Cultura até o 30 de xullo
18:00 A sala da baixocuberta do terceiro andar do Pazo da Cultura de Carballo, sala Alberto Gende, acolle até o 30 de xullo a exposición "Obras por descubrir", unha mostra colectiva de autores de Carballo e da comarca que se realiza cada ano polo San Xoán e que nesta edición está dedicada ao desaparecido artista e deseñador gráfico Alberto Gende. Colaboran na exposicións os seguintes artistas: Emilia Rodríguez, Milagros Cotelo, Lola Oviedo, Mon Lendoiro, Antonio Taracido, Mª José Costa "Chiña", Miguel Anxo Calvo "O'Mighelo", Cristina Castro, Jacobo Veiga, Vicky Vilariño, Santi Picos, Adriana Suárez, Marcos Rodríguez, Antonio Reino, Manolo Eirín, Manuel Pazos, Peter Kramer, Nils Viga, Eva Facal e Juan Casares. O horario de visita é de 18.00 a 21.00 horas. Para obter máis información, premer aquí.