O último traballo de Ramírez Exposure no Curruncho Pop

Sábado 26 de maio do 2018 Ás 19:30 horas - Biblioteca Rego da Balsa Cultura

Ramírez Exposure chega a Carballo xunto a Marc Jonson nunha xira de só catro concertos, entre os que se atopa o que ofrecerán no Curruncho Pop o vindeiro 26 de maio. Acompañará aos dous músicos o guitarrista e membro fundador de Television, Richard Lloyd, para presentarnos o seu segundo álbum Young is the new old, un traballo pouco convencional que bebe do mellor da música de The Beach Boys, The Beatles, Big Star ou Jon Brion para converterse no que xa moitos se apresuran en calificar como o "trunfo do subconsciente e do intelixente". 

O seu sunshine pop, as súas reminiscencias e o seu pouco carácter común, sitúan a este compositor valenciano nunha tesitura tan peculiar como atractiva no que será, seguro, un dos concertos do ano en Carballo. Se non o queres perder reserva xa a túa entrada en Bibliotecas de Carballo ou no teléfono 981 758 580.

Participación: Público xeral
Entrada: Libre e de balde. Aforo limitado
Organiza: Concellería de Cultura