Cantacontos infantís cos Musicreques
Mércores 20 de xuño do 2018 17:00 horas - Biblioteca Rego da Balsa Lingua
A piques de comezar as festas de San Xoán e ás portas das vacacións do verán, o programa de actividades con Apego despide o mes de xuño cunha sesión de cantacontos infantil a cargo do grupo Musicreques. O espectáculo, que pretende achegar a música clásica aos máis pequenos/as da casa dun xeito ameno e divertido, consistirá nunha representación teatral con monicreques e a interpretación de música en directo.
As escenas dos contos (con guión propio), interpretadas tanto no teatrillo de títeres como sobre a mesa, intercálanse con música ao piano de grandes compositores. Pola súa banda, a narración oral, na que a música segue moi presente, acompáñase de ilustracións e rimas, efectos musicais, manipulación de obxectos e cantos e soportes visuais para que os máis cativos participen da maxia dos contos.
Participación: Nenas e nenos de 0 a 3 anos
Entrada: Libre e de balde
Organiza: Servizo de Normalización Lingüísta