Obradoiro infantil sobre "A máquina de facer debuxos animados"

Mércores 10 de outubro do 2018 De 18:00 a 19:00 horas - Biblioteca Rego da Balsa Cultura

Os libros están cheos de personaxes que foron levados ao cine animado. Pero, sabes como eran eses primeiros debuxos animados que logo deron paso aos que hoxe podes ver na televisión? Na biblioteca Rego da Balsa non só che van explicar cales eran, senón que tamén os van facer! Si, si! Xa está todo preparado para que dea comezo o novo obradoiro "A máquina de facer debuxos animados", incluído no programa de animación á lectura Ler conta moito. Agora só faltas ti! Gustaríache participar nesta histórica construción? Pois se tes entre 8 e 12 anos de idade, non o dubides e pásate pola biblio a recoller o teu convite a partir do mércores 3.

Público: 8-12 anos
Entrada: De balde. Recoller convite
Organiza: Concellería de Cultura