Humor e clown co dúo arxentino Sutottos

Sábado 6 de outubro do 2018 21:30 horas - 2º Andar Mercado Municipal Cultura

Xa queda menos para gozar da segunda noite de Rúa Chea no Mercado Municipal cunha nova proposta internacional. Se a pasada fin de semana viaxamos ata Guinea, esta toca saltar o charco ata Arxentina para ver o mellor e máis enxeñoso fenómeno da escena off de Bos Aires. O dúo arxentino Sutottos achéganos Inestable, un espectáculo repleto de humor e clown coa sinxeleza e a transparencia que caracterizan os seus traballos. 

Sinopse:Unha mancha de humidade, unha chamada de teléfono, unha saba, calquera cousa pode desatar  a paranoia destes dous personaxes. Dous tipos comúns, que non poden ocultar as súas fobias. Eles pásano mal. O público escacha coa risa. 

Público: Recomendado para +14 anos
Entrada: 3€

Programación FIOT 18