Borja Fernández debuta no OTNI con "Salvador"

Venres 19 de outubro do 2018 22:30 horas - Salón actos Pazo da Cultura Cultura

Benito Fernández, desaparecido hai máis de 50 anos deixou un rastro. Tras anos de pescudas e viaxes transoceánicas o seu neto, un mozo na procura das súas raíces, recompono en escena a través de entrevistas, fotografías, cartas e obxectos persoais. Descubriremos casualidades inexplicables, coincidencias triangulares, cancións tropicais e almas selváticas.

A medio camiño entre o teatro documental e a ficción, Salvador é un proxecto escénico para un actor/músico e unha vídeo-jockey/manipuladora de obxectos, sobre os movementos migratorios, as desaparicións e os encontros. Un traballo único e alternativo que non podía faltar no IX ciclo OTNI. 

Borja Fernández é actor, músico e performer galego que colabora con diferentes compañías. Este proxecto forma parte de A Berberecheira, laboratorio de creación impulsado polo grupo Chévere.

Idea e creación: Borja Fernández Asistente de dirección: Diego Anido Asistente de dramatúrxica: Claudio Días Dirección: Borja Fernández e Uxía P . Vaello Textos: Manuel Cortés e Borja Fernández Adaptación: Manolo Cortés Deseño iluminación e audiovisuais: Laura Iturralde Espazo sonoro: Borja Fernández Asistencia en residencia: Colectivo A Berberecheira

Público: Recomendada para maiores de 16 anos
Entrada: 5 €
Duración: 65 min.

Programación FIOT27