Senda Nova achegará ao nenos/as a figura do Apalpador

Xoves 20 de decembro do 2018 19:00 horas - Biblioteca Rego da Balsa Cultura

Coñecedes ao Apalpador? Gustaríavos conversar persoalmente con el para trasladarlle as vosas peticións de Nadal? Pois non vos preocupedes porque esta semana teredes ocasión de facelo durante a visita que vai realizar a Carballo procedente das montañas de O Courel, en Lugo. Un encontro moi entrañable, dirixido aos nenos e nenas do municipio e ás súas familias, que nos achegará á súa figura para descubrir un pouco máis sobre as súas orixes e coñecer mellor o seu día a día.

Como cada ano, deixaranos interesantes historias sobre a natureza e algún que outro consello para saber como podemos contribuír a coidar e protexer a nosa contorna. Todos os/as participantes terán tamén a oportunidade de contarlle cales son os seus agasallos favoritos para este Nadal, entre os que, por suposto, seguro que figuran moreas e moreas de libros.

Se non queres perder a oportunidade de ver de preto ao mesmísimo Apalpador e preguntarlle todo o que sempre quixeches saber sobre el, non faltes a esta visita tan especial que vai facer da man de Senda Nova. Anímate e participa!

Público: Todas as idades
Entrada: LIbre e de balde
Organiza: Asociación Ambiental Senda Nova
Colabora: Concellaría de Cultura