Da banda deseñada ao Festifolk na Feira da creatividade de Carballo

Sábado 13 de xullo do 2019 Todo o día - Xardín Municipal Cultura

O sábado 13 a Feira da creatividade cultural de Carballo comezará cun obradoiro de banda deseñada para os máis pequenos/as da casa e rematará cunha nova edición do Festifolk Costa da Morte. E polo medio, mira todo o que temos preparado para ti no Xardín Municipal.  

• 11.00h. Obradoiro infantil de iniciación á banda deseñada a través da súa metalinguaxe a cargo do ilustrador Manel Cráneo. Prazas limitadas!
• 11.30h. Presentación de "Diario sen datas dunha aborixe galega", de Diana Varela Puñal.  Presentará o acto Fernando Cabeza Quiles. De seguido, haberá un concerto de presentación do libro-disco "Cores, contos e Rock’N’Roll", de Pakolas coa colaboración de Laura Romero.
• 19.30h. Sinatura de libros de autores e autoras da zona como Alberto Varela Ferreiro, Xan Fraga, Isabel Villanueva, Miguel A. Alonso Diz e Laura Tova, Fernando Calvo Trincado e Xabier Maceiras.
• 20.30h. Visita guiada polos murais do proxecto de recuperación urbana a través da arte, Derrubando Muros e Rexenera.
• De 20.00 a 22:00h. Festifolk Costa da Morte. Concerto De Ninghures e desfile dos grupos de gaiteiros da Costa da Morte polas rúas de Carballo. Ao remate, interpretación conxunta do himno do Antigo Reino de Galicia na Praza do Concello e homenaxe aos gaiteiros de Treixadura.
• 22.30h. Concerto de Treixadura.