.jpg)
Inscríbete no sistema nacional de garantía xuvenil
Venres 2 de decembro do 2022
Garantía Xuvenil mellora o apoio á inscrición. Para iso impulsa o servizo de axuda no proceso de inscrición no Sistema Nacional de Garantía Xuvenil.
Garantía Xuvenil é unha iniciativa europea que pretende facilitar o acceso das persoas mozas maiores de 16 e menores de 30 anos ao mercado de traballo.
Acceder a este novo servizo é moi sinxelo. Tes dúas opcións:
- Chama ao 060 e pide “Apoio para inscribirte en Garantía Xuvenil”: directamente pasaranche con persoal técnico que che acompañará durante todo o proceso.
- Escribe un un correo a info.garantíajuvenil@sepe.es e indica no asunto “Apoio para inscribirse en Garantía Xuvenil”: persoal especializado poñerase en contacto contigo canto antes, para axudarche durante todo o proceso de inscrición.
Formar parte do Ficheiro do Sistema Nacional de Garantía Xuvenil permitirá que as entidades participantes en diversos Plans de Emprego Xuvenil poidan contar contigo nas súas diferentes convocatorias de educación, formación, prácticas, aprendizaxe, emprego e autoemprego. É unha oportunidade de mellorar o acceso ao mercado de traballo especialmente nos campos e sectores que maior demanda teñen na actualidade.