Charanga, baile para maiores, chocolatada e Enterro da Sardiña para o Martes de Entroido
Martes 25 de febreiro do 2020 A partir das 17.00 horas - Praza do Concello e rúas de Carballo
Unha das citas que non podes perder do Entroido de Carballo é a do Martes de Entroido. Este ano, a festa comezará ás 17.00 horas na Praza do Concello coa música e a animación da charanga Santa Compaña para continuar ás 18.00 horas co baile de disfraces para maiores, amenizado polo Dúo Sintonía, no Pazo da Cultura, e organizado pola Concellaría de Terceira Idade.
.
Ás 18.30 horas, na Praza do Concello, haberá chocolatada, e ás 19:00 horas daremos a saída ao tradicional Enterro da Sardiña desde a Praza do Concello ata o Parque do Anllóns, onde unha comitiva encabezada pola Aula de Teatro Municipal, o grupo de teatro Vagalume Animación e a Cruz Vermella de Carballo despedirán o Entroido. Estades todos/as convidados/as!
Organiza: Aula de Teatro Municipal
Colaboran: Vagalume Animación e Cruz Vermella Carballo