Concello de Carballo

Logotipo Concello de Carballo

Menú:


Destacados

Liña directa
Avisaweb: Concello de Carballo
Perfil de contratante


Poboación do Concello:

Xa somos 31.404


Actualidade de Atención Cidadá

PRIMEIRA CITA: MÉRCORES 25 DE FEBREIRO CO CEIP A CRISTINA

O Concello organiza visitas guiadas cos centros de ensino á ETAP e á EDAR de Carballo para sensibilizar sobre o consumo de auga

O Concello organiza visitas guiadas cos centros de ensino á ETAP e á EDAR de Carballo para sensibilizar sobre o consumo de auga

O Concello de Carballo, no marco do "Proxecto Anllóns-Bardoso: posta en valor dos ríos", organiza unha serie de visitas guiadas á ETAP (Estación de Tratamento de Auga Potable) e á EDAR (Estación de Depuración de Augas Residuais) do municipio co obxectivo de sensibilizar aos escolares sobre a importancia destes procesos. O Concello realizará durante as próximas semanas visitas coordinadas cos centros de ensino de Carballo ás instalacións que reproducen o ciclo de auga na vila: a estación potabilizadora e a estación depuradora, co obxectivo de incidir sobre o consumo e aforro de auga. As visitas serán desenvolvidas por educadores/as ambientais de Adega (Asociación pola Defensa Ecolóxica de Galicia), entidade que leva anos traballando o tema da auga co desenvolvemento de diferentes proxectos. O alumnado asistente poderá ver o funcionamento do ciclo da auga en Carballo, dende que o momento en que a auga se colle no río ata que chega ás nosas casas e finalmente se devolve ao río logo do proceso de depuración. Poñerase o acento na necesidade de usar este valioso recurso con responsabilidade. Tamén se fará fincapé da importancia que ten un xesto tan cotiá como é o de abrir a billa e o custo que supón para todas as persoas que viven no Concello. As visitas comezaron o mércores 25 de febreiro con alumnado do CEIP A Cristina que primeiro estiveron na ETAP e logo na EDAR.

Ler

O pleno aproba a modificación do contrato de mantemento e subministro do alumeado para colocar 300 novos puntos de luz

Luz verde para a realización da II edición do Festival Carballo InterPlay e para as bases do Concurso de webseries CIP15

Ver todas

Actualidade de Vive en Carballo

Volven os Venres Culturais despois da paréntese do Entroido coa música de NARF e os monicreques de Mundo Mandarina

25/02/2015 Volven os Venres Culturais despois da paréntese do Entroido coa música de NARF e os monicreques de Mundo Mandarina

Logo da paréntese das celebracións do Entroido, esta fin de semana continúa a programación dos Venres Culturais 2015 con dúas propostas, unha para o venres 27 de febreiro e outra En Familia para o domingo 1 de marzo. O primeiro en reabrir este ciclo de espectáculos é o cantautor compostelán Fran Pérez NARF (na imaxe) que trae a Carballo o concerto da súa xira "Cancións da lingua viaxeira". NARF é un compositor e cantante galego de longo percorrido, parte do cal está ligado ao entorno do mundo lusófono. A súa obra caracterízase pola forte personalidade e a busca constante de orixinalidade. Logo de ser recoñecido nos Premios da Música "Martín Códax" 2013 como mellor intérprete galego de rock e blues, NARF continúa coas súas presentacións en solitario. O variado repertorio deste espectáculo, de formato intimista, recolle as mellores cancións dos seus últimos traballos discográficos, así como temas inéditos nacidos da intensa relación deste músico viaxeiro con artistas de países do ámbito da lusofonía, con outros creadores que comparten a mesma orixe e a mesma paixón pola palabra cantada. Máis de vinte anos de camiño con pouco máis ca unha quitarra ao lombo. Escoitaremos cantar en galego, en portugués, en linguas de orixe bantú ou en inglés, con letras de poetas galegos, portugueses ou mozambicanos. Lugar especial neste concerto terá "Nas tardes escuras" (2013), o último disco de NARF, trío sobre poemas de Rosalía de Castro. O concerto comeza ás 21.00 horas e o prezo da entrada de 3 € e reducido de 2 €.


Axenda de Vive en Carballo

30/01/2015 A mostra de paisaxes "Pintura sobre papel" de Xulio Gª Rivas: no andar 3 do Pazo da Cultura até o 1 de marzoicon

13/02/2015 A exposición fotográfica de Entroido "Xunguir non é esmorecer, senón medrar": no Pazo da Cultura até o 28 de febreiroicon

27/02/2015 O artista compostelán Fran Pérez NARF ofrece un concerto no Pazo da Culturaicon

Ver todas

Actualidade de Inviste en Carballo

O Concello organiza dous roteiros, un de sendeirismo e outro ornitolóxico, dentro do proxecto "Carballo, mirando ao mar"

26/02/2015 O Concello organiza dous roteiros, un de sendeirismo e outro ornitolóxico, dentro do proxecto "Carballo, mirando ao mar"

O Concello de Carballo, dentro do proxecto "Carballo, mirando ao mar", organiza dous roteiros polo Lugar de Interese Comunitario (LIC) Razo-Baldaio, un roteiro de sendeirismo e outro ornitolóxico, de asistencia gratuíta, cos que colabora a Asociación Ambiental Senda Nova, quen realizará as visitas guiadas polo espazo natural. A administración local será a encargada de proporcionar un bus para os desprazamentos ata os lugares de interese. A Concellaría de Promoción Económica e Turismo é a encargada de executar o proxecto "Carballo, mirando ao mar", que persegue a posta en valor do noso litoral entre a poboación local, así como tamén a promoción da costa entre os turistas que visiten o Concello durante o desenvolvemento destas actividades. Un dos obxectivos principais da iniciativa é a divulgación dos recursos litorais, así como a súa interpretación e a súa posta en valor desde as perspectivas da sensibilización, conservación e sustentabilidade da riqueza patrimonial e ambiental de Carballo. Os interesados e interesadas en participar debe cubrir unha ficha que pode recollerse no Museo de Bergantiños (Rúa Martín Herrera, número 8) ou enviada ao enderezo electrónico <museo@carballo.org>.Tamén é posible obter máis información chamando ao 981 702 077. Quen queiran obter máis información, tamén poden facelo no propio Museo de Bergantiños: de martes a venres de 12.00 a 14.00 horas e de 17.00 a 19.00 horas; sábados e domingos de feira de 11.00 a 14.00 horas; luns pechado.


Ver todas


© Concello de Carballo, 2009