Concello de Carballo

Logotipo Concello de Carballo

Menú:


Destacados

Liña directa
Avisaweb: Concello de Carballo
Perfil de contratante


Poboación do Concello:

Xa somos 31.404


Actualidade de Atención Cidadá

O CANON OFERTADO SUPERA OS 360.000 EUROS

A Mesa de contratación propón a Gestagua como empresa adxudicataria do contrato de xestión do Ciclo integral da auga

A Mesa de contratación propón a Gestagua como empresa adxudicataria do contrato de xestión do Ciclo integral da auga

A Mesa de Contratación responsable do contrato de concesión do servizo público por procedemento aberto con varios criterios de adxudicación que ten por obxecto o "Ciclo integral da auga do Concello de Carballo" propón á empresa Gestión y Técnicas del Agua SL (Gestagua) como empresa adxudicataria do servizo. A escolla realizouse a través dun único criterio de valoración, recollido no prego de condicións, que era o de ofrecer un canon dun mínimo de 100.000 euros que as empresas tiveron a oportunidade de mellorar á alza. O resultado do acto de apertura do sobre B, no que se recolle a oferta económica das cinco empresas que se presentaron ao procedemento, reflicte que a mellor proposta, cunha valoración máxima de 100 puntos, é a de Gestagua por un importe de 360.012 euros. Agora, haberá que esperar a que en próximos días a Xunta de Goberno Local ratifique a proposta de adxudicación da mesa. Hai que lembrar que, despois dun intento fallido para licitar a concesión por un período de 20 anos e por máis de 58 millóns de euros, acurtáronse os prazos e os importes e decidiuse licitar o servizo por un período dun ano, cun custe para o Concello de 1.700.000 euros máis o 10 por cento de IVE, o que faría un total de 1.870.000 euros. O novo contrato respectará as tarifas e taxas vixentes, que permanecerán inalterables. Nestes momentos o servizo, cuxa concesión remataba en decembro de 2014, está prorrogado ata xuño con Viaqua, a empresa que tivo a concesión durante os últimos vinte anos.

Ler

As eleccións municipais do 24 de maio deixan unha corporación con 11 concelleiros do BNG, 5 do PP, 3 de TEGA e 2 do PSOE

Carballo únese a "Apego", un proxecto para favorecer a crianza en galego dende o nacemento posto en marcha por doce concellos

Ver todas

Actualidade de Vive en Carballo

Oito equipos no Torneo de Fútbol Base da SD Sofán, incluído na campaña "Vive o fútbol" contra a violencia no deporte

27/05/2015 Oito equipos no Torneo de Fútbol Base da SD Sofán, incluído na campaña "Vive o fútbol" contra a violencia no deporte

Oito equipos da provincia da Coruña (Ural, Orillamar, Laracha, Paiosaco, Xallas, Dumbría, Cabana e o anfitrión, SD Sofán) participan o sábado 30 de maio no primeiro Torneo de Fútbol Base da SD Sofán, incluído pola Fundación de Fútbol Profesional na campaña contra a violencia no deporte "Afección + Respecto: Vive o Fútbol". A celebración do torneo é "unha aspiración da xunta deportiva" e suporá "un punto de inflexión no traballo que vimos facendo coa base dende o ano 2011", explicou o vicepresidente do club, Manuel Varela. Así mesmo, destacou que todos os clubs participantes destacan, precisamente, polo bo traballo que realizan coa canteira. Na mesma liña, o presidente da SD, Ricardo Serrano, apuntou que o torneo implica "un paso máis no traballo que se está facendo" e expresou o seu desexo de que "sirva de premio para os nenos, os pais e a afección". O Concelleiro de Deportes, Marcos Trigo, resaltou "o traballo da SD Sofán coa base", que definiu coma unha das fortalezas da entidade. Pola súa banda, o Alcalde en funcións de Carballo, Evencio Ferrero, cualifica coma "exemplar" o labor que están a facer as diferentes entidades deportivas do Concello. "En plena crise -dixo- todas iniciaron un período de expansión, e iso é importante porque a xente necesita oportunidades". O Torneo de Fútbol Base encherá de actividade o campo de fútbol do Carral dende as 09.00 ata as 21.00 horas do sábado. O lema da campaña "Afección + Respecto: Vive o Fútbol" estará presente durante toda a xornada.


Axenda de Vive en Carballo

29/04/2015 A exposición do XVII Certame Fotográfico Xosé Manuel Eirís permanece no Pazo da Cultura até o domingo 31 de maioicon

27/05/2015 Concertos de Fin de Curso do Ciclo de Novos Intérpretes do Conservatorio no Pazo da Culturaicon

Ver todas

Actualidade de Inviste en Carballo

O Horto Infantil Ecolóxico organiza o venres 29 de maio unha Pequefeira na que os nenos e nenas venderán os seus cultivos

27/05/2015 O Horto Infantil Ecolóxico organiza o venres 29 de maio unha Pequefeira na que os nenos e nenas venderán os seus cultivos

O Horto Infantil Ecolóxico de Carballo celebra o venres 29 de maio a súa Pequefeira, unha cita na que os cativos e cativas que de cotío desenvolven a súa actividade no Horto, ben nas instalacións da rúa Nardos a través dos obradoiros, ben a través da colaboración cos centros de ensino, poderán poñer á venda os produtos que teñen plantado e coidado durante o curso. Así, poderán constituír a súa propia cooperativa, promover os seus cultivos, familiarizarse cos cartos, coas moedas e co cambio, e a través da actividade adquirirán conciencia do proceso de crecemento dos produtos do agro, do funcionamento dun negocio e do emprendemento, aprendendo paso por paso, así mesmo, como os froitos chegan aos andeis dos supermercados ou aos postos da feira. Coa recadación obtida na Pequefeira, serán os propios cativos e cativas quen decidan o que fan entre todos, ben investindo de novo no Horto, ben desenvolvendo algunha actividade educativa, etc. O obxectivo é conseguir que os nenos e nenas acaden unha maior autonomía infantil e aprendan a desenvolverse no marco dun negocio agrícola. Está prevista a participación dos CEIP Gándara-Sofán, Nétoma-Razo, Bergantiños e Xesús San Luís Romero, do Colexio Artai, do CRA Ponte da Pedra e tamén dos cativos e cativas do obradoiro "O cole de herba". Todos colocarán os seus postos na Praza do Concello, tal e como se fai nas feiras e mercados tradicionais, de 11.00 a 12.30 horas. Ademais de flores e produtos da horta, tamén poñerán á venda produtos fitosanitarios ecolóxicos elaborados por eles mesmos e ademais preparan sorpresas para os veciños e veciñas que se acheguen.


Ver todas


© Concello de Carballo, 2009