Concello de Carballo

Logotipo Concello de Carballo

Menú:


Destacados

Liña directa
Avisaweb: Concello de Carballo
Perfil de contratante


Poboación do Concello:

Xa somos 31.404


Actualidade de Atención Cidadá

O IMPORTE DOS TRABALLOS SUPERA OS 344.000 EUROS

Adxudicado o contrato para a "Reurbanización na contorna do complexo Vila de Noia, CEIP Fogar e IES Alfredo Brañas"

Adxudicado o contrato para a "Reurbanización na contorna do complexo Vila de Noia, CEIP Fogar e IES Alfredo Brañas"

A Xunta de Goberno Local, reunida en sesión ordinaria, vén de aprobar a adxudicación do contrato de obras para a "Reurbanización na contorna do complexo Vila de Noia, CEIP Fogar e IES Alfredo Brañas", un proxecto que rehabilitará a Zona escolar e deportiva do Chorís con novos servizos, beirarrúas e unha nova pista deportiva. A empresa encargada de realizar os traballos será OVIGA (Obras y Viales de Galicia) SL por un prezo de adxudicación que ascende a 344.420 euros sobre un orzamento de contrata de 466.605,34 euros. O prazo de execución dos traballos, que están incluídos no Plan de Aforro e Investimento 2015 da Deputación da Coruña, é de nove meses a contar dende o día seguinte ao da sinatura da acta de comprobación de reformulo. A actuación consistirá no reacondicionamento das beirarrúas e na actualización dos servizos, incluíndo o saneamento e abastecemento de auga, e os servizos de gas e da rede eléctrica. Regularanse os aparcadoiros, coa súa redistribución, xa que pasarán a estar en batería; e co seu acondicionamento. Crearanse novas áreas de estacionamento, co acondicionamento da que xa está en uso no solar municipal dos depósitos de auga; e, despois do acordo cos propietarios, con outra nova área de aparcadoiros na rúa Vila de Coristanco, preto do CEIP Fogar. Habilitarase unha glorieta para regular a circulación na confluencia das rúas Avenida de Bergantiños e Vila de Corcubión (na imaxe). Plantaranse 34 árbores e crearase unha pista perimetral de 1,5 metros de ancho arredor de toda a mazá para a práctica deportiva. Por último, crearase un novo portalón de acceso ao CEIP Fogar para facilitar a entrada do camión anti incendios.

Ler

A Escola Infantil As Landras festexou o seu décimo aniversario coa música de Pablo Díaz e un cadro conmemorativo de Mon Lendoiro

O Concello abre o prazo de inscrición no Programa Concilia para o Curso 2015-2016: entre o luns 3 e o venres 21 de agosto

Ver todas

Actualidade de Vive en Carballo

O Festival Dando a Lata despídese con música na Praza do Concello coa David Dominique Jazz Band

29/07/2015 O Festival Dando a Lata despídese con música na Praza do Concello coa David Dominique Jazz Band

O mes de xullo está a piques de rematar, e con el despídese tamén o Festival Dando a Lata, que conmemora o 75 aniversario Calvo e que está incluído na programación do Verán Cultural 2015. O adeus chega cun último concerto, coa David Dominique Jazz Band o venres 31 de xullo ás 22.30 horas na Praza do Concello. Esta banda creouse para ser un tributo ao swing, polo que o espectáculo será un percorrido polos temas máis coñecidos da época dourada deste xénero con cancións de artistas como Cole Porter ou Duke Ellington. O concerto inclúe clásicos interpretados por Frank Sinatra, Nat King Cole ou Louis Armstrong tales como "I've got you under my skin", "What a wonderful world", "Fly me to the moon" ou "New York Theme". David Dominique conta cunha importante traxectoria musical en Francia e tras vir a España forma esta banda de swing. Dominique é un dos grandes crooner internacionais dos nosos días, e é o artífice desta fabulosa viaxe que transcorre de forma amena e próxima, con sete músicos e cantantes fantásticos (incluíndo batería, piano, contrabaixo, saxo, cantantes e guitarra) que serán os que interpretarán un selecto repertorio asegurando un concerto inesquecible. Ademais do swing, as cancións beben de estilos coma o jazz, a bossa nova, estándares, etc., con músicos profesionais acompañantes de artistas como Marta Sánchez, Los Panchos, Sergio Dalma, Alejandro Sanz, Tamara, Miguel Bosé, David Bisbal, Malú, Soraya, e con cantantes que teñen traxectoria como vocal coaches do coñecido concurso televisivo "La Voz". Todo de balde na Praza do Concello a partir das 22.30 horas.


Ver todas

Actualidade de Inviste en Carballo

O mural de Emi de las Heras xa conta coa súa propia zona verde grazas ao traballo de APEM no Horto Infantil Municipal

29/07/2015 O mural de Emi de las Heras xa conta coa súa propia zona verde grazas ao traballo de APEM no Horto Infantil Municipal

Hai uns meses, usuarios e usuarias de APEM (Asociación Pro Enfermos Mentais), a iniciativa Derrubando muros con pintura e o Horto Infantil Ecolóxico de Carballo uníronse baixo un proxecto común: rehabilitar a contorna do mural que a artista carballesa Emi de las Heras realizou nos arredores do Parque Rego da Balsa precisamente para Derrubando muros. A proposta presentouse a finais de marzo, pero as monitoras explican que o traballo se desenvolveu principalmente nos meses de maio, xuño e xullo grazas ao esforzo dun grupo de persoas que se implicaron para poñer en valor a obra artística de Emi de las Heras, pero que tamén colaboraron para visibilizar o labor que se fai en institucións como APEM. Hoxe foi o peche deste traballo e o resultado reflíctese nunha fermosa zona verde achanzada en varios niveis que separa o mural da área de estacionamento do Rego da Balsa. Facendo balance, todas as partes implicadas consideran que os obxectivos están cumpridos: creouse unha pequena e xeitosa área axardinada que separa os coches da obra artística grazas ao emprego de flores e plantas; fíxose máis visible o traballo de APEM e os usuarios e usuarias asumiron o traballo, a responsabilidade e a motivación de rehabilitar un espazo público e urbano, con citas semanais e cotiás; e aproveitáronse as sinerxías xeradas por Derrubando muros, o Horto Infantil e o traballo de APEM. Despois do labor ben feito, toca descansar as próximas semanas, pero os artífices da iniciativa xa están pensando en seguir colaborando en proxectos similares o próximo curso. Máis imaxes da nova zona verde no Facebook do Horto Infantil, aquí.


Ver todas


© Concello de Carballo, 2009