Inicio Centro de atención cidadá Convocatorias Convocatoria para a selección do alumnado...

Convocatoria para a selección do alumnado do obradoiro dual de emprego “Fórum dual”

Xa está en marcha o proceso de selección do alumnado do obradoiro dual de emprego Fórum dual, promovido polo Concello de Carballo e financiado pola Xunta de Galicia.

O obradoiro dual de emprego Fórum dual contará con dúas especialidades formativas, atención sociosanitaria a persoas dependentes en institucións sociais e cociña, en cada unha das cales haberá 10 alumnos/as-traballadores/as. O período de formación abranguerá 12 meses. Neste caso, o proceso arrincou coa preselección de candidatos/as por parte do Servizo público de emprego de Galicia, dende o cal saíron xa as correspondentes comunicacións postais a todos/as eles/as. Paralelamente, dende o servizo municipal de Formación e Emprego realizarase un envío de SMS a todos/as os/as aspirantes, que terán que superar, ao igual que o persoal docente, directivo e de apoio, un concurso-oposición. As bases detalladas de ámbalas convocatorias poden descargarse máis abaixo.

Seguimento do proceso selectivo

Con data 21 de setembro de 2022 fanse públicas a relación de aspirantes e as puntuacións da fase de concurso.

22 de setembro de 2022: publícanse as resolucións polas cales se procede ao nomeamento dos tribunais para a fase de oposición do proceso selectivo de alumnado de cociña e de atención sociosanitaria a persoas dependentes en institucións sociais, ao tempo que se convoca ás persoas candidatas para o luns 26 de setembro no Fórum Carballo.
Publícase tamén unha corrección de erro na data da convocatoria.

23 de setembro de 2022: publicación da modificación da composición do tribunal cualificador do proceso de selección do alumnado-traballador/a do obradoiro dual de emprego Fórum dual nas especialidades de cociña e atención sociosanitaria a persoas dependentes en institucións sociais.

Descargas

Compartir: