Inicio Carballo ao día Hemeroteca A empresa concesionaria da xestión dos...

A empresa concesionaria da xestión dos residuos leva a cabo estes días a última campaña de lavado de contedores do ano

Unha vez completada a zona rural, a vindeira semana procederase ao lavado de todos os colectores do casco urbano

Sábado 23 de decembro do 2017 Carballo ao día

A empresa concesionaria da xestión dos residuos fixo coincidir co Nadal a última campaña de lavado de contedores do ano 2017, xa que estamos nunhas datas nas que aumenta o consumo e, en consecuencia, os residuos. Esta semana os operarios de Urbaser UTE remataron a limpeza dos colectores na zona rural, e a partir do martes centraranse no casco urbano. Todos os contedores distribuídos polo concello, que son arredor de mil, son lavados unha media de cinco veces ao ano.

Por outra banda, lembramos que durante o Nadal adaptaranse os horarios de funcionamento do servizo de recollida, de xeito que os días 24, 25 e 31 de decembro e o 1 de xaneiro a retirada do lixo realizarase entre as 06.00 e as 13.00 horas. Haberá dous camións de RSU e un bicompartimentado para plástico e cartón. O punto limpo estará pechado o día de Reis.

Compartir: