Inicio Carballo ao día Avisos A veciñanza dispón dun servizo...

A veciñanza dispón dun servizo gratuíto para atender as posibles interferencias na TDT provocadas polo novo 4G

Luns 15 de outubro do 2018

As operadoras de telefonía móbil Telefónica, Vodafone e Orange empezaron a ofrecer en Carballo servizos sobre a rede 4G na banda 800MHz, o que permite gozar de conexións móbiles de alta velocidade sobre tecnoloxía LTE (4G) cunha mellor cobertura no interior dos edificios e maior extensión xeográfica, pero tamén pode provocar interferencias no sinal de televisión.

Para garantir a compatibilidade da nova tecnoloxía coa Televisión Dixital Terrestre (TDT), os operadores puxeron en marcha Llega800, entidade encargada de solucionar calquera afectación na recepción do sinal de televisión.  Llega800 presta aos cidadáns unha serie de servizos gratuítos que inclúen a adaptación das antenas dos edificios afectados e a resolución doutras posibles afectacións tamén sen custo algún.

Para xestionar estes servizos puxéronse a disposición dos cidadáns o teléfono de atención gratuíto 900 833 999 e a páxina web www.llega800.es.

Coa chegada do novo 4G a Carballo continua o proceso de implantación que se está realizando de forma paulatina por toda a xeografía nacional. Para comprobar as localidades onde xa están activos estes servizos pódese consultar a seguinte ligazón: https://www.llega800.es/listado-de-municipios-activos/

Descargas

Compartir: