Inicio Carballo ao día Novas Remata a campaña de lavado de contedores...

Remata a campaña de lavado de contedores despois dun percorrido polas 18 parroquias do concello

As últimas limpezas levaranse a cabo mañá na zona de Razo e o venres na Alta de Rus

Mércores 17 de outubro do 2018

Hoxe rematou o lavado de contedores no casco urbano

Hoxe rematou o lavado de contedores no casco urbano

A campaña de lavado de contedores que puxemos en marcha a primeiros de mes rematará esta semana, despois de que o camión lava-contedores termine o percorrido polas 18 parroquias. No casco urbano os traballos remataron hoxe nas zonas da Milagrosa, o Igrexario e A Revolta. Mañá será a quenda de Razo e o venres completarase a limpeza na Alta de Rus. Deste xeito, a empresa concesionaria do servizo de recollida de lixo, Urbaser UTE, completará o saneamento dos preto de 1.000 contedores distribuídos por todo o concello.

Aínda que esta é a quinta e última campaña de lavado de contedores programada para este ano, no caso de que se detecte algunha necesidade puntual debe poñerse en coñecemento da empresa concesionaria a través do número de teléfono 981 754 917, no enderezo electrónico info@carballolimpo.com ou a través do formulario de avisos da páxina web www.carballolimpo.com.

Compartir: