Inicio Carballo ao día Novas “O comercio vai de festa”, nova iniciativa do CCA...

A INICIATIVA PRESENTOUSE HOXE NA RÚA HÓRREO

“O comercio vai de festa”, nova iniciativa do CCA para seguir enchendo de dinamismo as rúas de Carballo

37 establecementos participarán o día 27 nunha xornada de portas abertas na que haberá agasallos, sorpresas e animación de rúa

Xoves 18 de outubro do 2018

A presentación da iniciativa tivo lugar na rúa Hórreo

A presentación da iniciativa tivo lugar na rúa Hórreo

Sorteos, agasallos, espectáculos de rúa, sorpresas... Mesturar todas estas cousas é posible grazas a unha nova iniciativa do Centro Comercial Aberto (CCA) de Carballo para seguir enchendo de dinamismo a nosa vila: o vindeiro sábado 27 O comercio vai de festa coa colaboración do Concello de Carballo, a través da Oficina de Promoción Económica (OPE); a Deputación da Coruña e a Xunta.

A iniciativa presentouse hoxe na rúa Hórreo, na que xa puidemos ver un anticipo do que será o sábado 27. Un total de 37 establecementos, algúns deles representados no acto, terán as portas abertas de 10.00 a 14.00 e de 17.00 a 20.30 horas para facilitar as compras e para agasallar á súa clientela con sorpresas. Ao mesmo tempo, durante toda a xornada a compañía de Pablo Méndez Performances levará a cabo en distintos espazos urbanos intervencións. “Todas as actividades son agasallos para unha clientela á que queremos agradecer todo o seu apoio ao pequeno comercio nunha vila como a nosa, cun Centro Comercial Aberto con calidade e variedade contrastada”, subliñou o presidente do CCA, Ricardo Pallas.

Evencio Ferrero animou a veciños/as e visitantes a comprar en Carballo

Evencio Ferrero animou a veciños/as e visitantes a comprar en Carballo

O concelleiro de Promoción Económica, Xosé Regueira, expresou a satisfacción do Concello de Carballo por contar “cun comercio tan forte, tan vivo e que ademais ten tanto espírito innovador”, e felicitou ao CCA pola iniciativa, “porque sacar o comercio á rúa é reivindicarse a un mesmo, reivindicar que se compre en proximidade, porque as vilas que teñen comercio _e, por desgraza, xa non son poucas o que o van perdendo neste país_ son vilas con rúas alegres e máis seguras”.

O alcalde, Evencio Ferrero, pechou o vistoso acto de presentación, reivindicou que “a rúa é para desfrutar, os espazos públicos son para usar, para convivir”. O rexedor cualificou o comercio de proximidade como un dos aspectos que definen a relevancia dunha vila, e nese sentido destacou que en Carballo “estase reforzando o comercio local” e felicitou ao CCA pola capacidade de innovación e de unión do sector.

Participantes

A compañía de Pablo Méndez ofreceu un anticipo das performances que haberá o día 27

A compañía de Pablo Méndez ofreceu un anticipo das performances que haberá o día 27

  1. Star Center
  2. Adamela
  3. Atmósfera Sport
  4. Todo Lar
  5. Calvelo Regalo
  6. Alexi
  7. Dress
  8. Joyería Calvelo Seoane
  9. Deportes San Remo
  10. Mundo Kids
  11. Atelier
  12. Poppy
  13. Perfumerías Garrote
  14. Zocas
  15. Esprit
  16. Mmm! Xeados
  17. -15
  18. Mímate
  19. Zapatería Esther
  20. Akira
  21. D&A Complementos
  22. Multióptica
  23. Zapatillería Isabel
  24. rincón de María
  25. Tejanos.com
  26. armario de Pati
  27. Alonso Moda
  28. A fragua de Mó
  29. DV Carballo
  30. Para ti cosméticos
  31. Amai Store
  32. Miriñaque
  33. Bambalina
  34. Sueño de Hadas
  35. Bámbola
  36. Style
  37. Retoños

Compartir: