Aberto o prazo de solicitude de composteiros individuais para vivendas illadas do rural

Mércores 11 de novembro do 2020

Un mes despois de repartir o último lote de 50 composteiros individuais, dende as concellarías de Medio Ambiente e Servizos poñemos en marcha unha nova campaña para seguir estendendo a compostaxe doméstica no noso concello. Grazas á colaboración da Consellería de Medio Ambiente e da Unión Europea, en breve poderemos contar con 150 composteiros máis, que se sumarán aos 392 que se atopan xa a pleno rendemento nas distintas parroquias.

Esta nova partida permitiranos atender as máis de 60 peticións que temos en lista de agarda e seguir incorporando máis, polo que dende hoxe mesmo está aberto o prazo de solicitude. As persoas interesadas só teñen que descargar o impreso que atoparán ao final desta nova e presentalo, debidamente cuberto, no Rexistro Municipal (con cita previa no 981 704 100) ou no Rexistro Telemático, ao que se accede dende a páxina web www.carballo.gal.

Ligazóns

Descargas