Inicio Carballo ao día Hemeroteca


Formulario de busca
O Concello formaliza a cesión dunha parcela para a creación de vivendas de protección na Milagrosa

SINATURA

O Concello formaliza a cesión dunha parcela para a creación de vivendas de protección na Milagrosa

Martes 21 de outubro do 2008

O Alcalde de Carballo, Evencio Ferrero, vén de formalizar estes días co delegado provincial de Vivenda, Xoán Carlos Bascuas, a sinatura para a cesión dunha parcela de 500 metros cadrados que permitirá a construción de vivendas de protección autonómica no barrio da Milagrosa. Unha vez cumprido este requisito, a Consellería de Vivenda que dirixe Teresa Táboas xa pode iniciar de xeito inmediato os trámites da contratación, que implica a creación do proxecto e a realización da obra, actuacións que serán realizadas por unha única empresa para axilizar o proceso.

Carballo acolle un Encontro dos Axóuxeres para bebés co obxectivo de fomentar a transmisión da lingua galega

NORMALIZACIÓN LINGÜÍSTICA

Carballo acolle un Encontro dos Axóuxeres para bebés co obxectivo de fomentar a transmisión da lingua galega

Luns 20 de outubro do 2008

O Pazo da Cultura de Carballo acolle o vindeiro venres 24 de outubro a partires das 19.00 horas un 'Encontro dos Axóuxeres' para bebés e familias, unha iniciativa co obxectivo de favorecer o uso do galego como lingua habitual nas comunicacións no seo da familia. É unha proposta para beber cantigas, brincadeiras e aloumiños, metelos nos petos e levalos para a casa, para que o galego siga de pais e nais a fillos e a fillas. Ver, cheirar, gustar, tocar, escoitar, falar con todos os sentidos, isto é o Encontro dos Axóuxeres, un espectáculo de palabras, arrolos, música, poesía, teatro, un encontro para festexar a lingua galega.

O Concello de Carballo, galardoado co premio ONCE-Galicia á Solidariedade de Integración Laboral

NORMALIZACIÓN DOS DISCAPACITADOS

O Concello de Carballo, galardoado co premio ONCE-Galicia á Solidariedade de Integración Laboral

Luns 20 de outubro do 2008

O Concello de Carballo recibirá este ano un dos catro premios ONCE-Galicia á Solidariedade, que teñen como obxectivo recoñecer o labor das persoas, asociacións ou organismos que traballan pola integración e a normalización dos discapacitados físicos ou psíquicos da comunidade autónoma. En concreto, o fallo do xurado resalta as 'accións desenvolvidas a prol da integración das persoas discapacitadas e, en especial, pola iniciativa de contratar no ano 2004, por un período de dez anos, os servizos de limpeza viaria de todo o municipio bergantiñán ao Centro Especial de Emprego Aspaber-UTE, que da emprego a 24 persoas das cales 17 son traballadores con discapacidade psíquica'.

Iniciados os traballos para a implantación de semáforos e beirarrúas na travesía de Bértoa

OBRAS

Iniciados os traballos para a implantación de semáforos e beirarrúas na travesía de Bértoa

Venres 17 de outubro do 2008

Os operarios da empresa Ramón Vázquez principiaron ao longo desta semana a obra civil para instalar semáforos na travesía de Bértoa da capital municipal. Estes traballos, que contan cun orzamento aproximado de 30.000 euros, supoñen o primeiro paso de cara á urbanización e humanización desta avenida e os sinais -que se situarán na zona da igrexa- permitirán a regulación do tráfico e favorecerán a seguridade dos peóns que habitualmente frecuentan esta vía. Segundo informan dende a empresa que executa as obras, está previsto que a actuación esté lista nun prazo aproximado de 15 ou 20 días.

Dous vellos coñecidos da escea carballesa, Teatro Meridional e Lagarta Lagarta, protagonizan a segunda fin de semana do FIOT

OUTONO DE TEATRO

Dous vellos coñecidos da escea carballesa, Teatro Meridional e Lagarta Lagarta, protagonizan a segunda fin de semana do FIOT

Venres 17 de outubro do 2008

Despois dunha brillante estrea do Festival Internacional Outono de Teatro (FIOT), as funcións de sala continúan en Carballo. Os espectáculos que marcaron o arranque do festival supuxeron un grande éxito de público -coas localidades agotadas para algunha das representacións-, unha aposta dispar e unha mestura dos clásicos e a vangarda que contou co favor da audiencia. Agora dúas compañías que xa coñecen o FIOT tentarán manter o listón en alto esta fin de semana. Teatro Meridional -que xa gañou o premio do público en 2003- e Lagarta Lagarta serán os encargados de encher o auditorio do Pazo da Cultura.

Principian as prácticas profesionais do Centro Municipal de Formación coa colaboración de once empresas da comarca

FORMACIÓN E EMPREGO

Principian as prácticas profesionais do Centro Municipal de Formación coa colaboración de once empresas da comarca

Venres 17 de outubro do 2008

A Concelleira de Formación e Emprego do Concello de Carballo, María Manso Cid, informa de que un total de 11 empresas de Carballo, Coristanco e Zas colaboran co Centro Municipal de Formación de Carballo na realización de prácticas profesionais no sector da automoción, no sector eléctrico e no textil. O Centro de Formación pretende, con esta actividade, aumentar a capacitación dos alumnos e alumnas para un mellor desenvolvemento do seu campo profesional, asegurándose así que as habilidades e capacidades dos estudantes en prácticas encaixan coas necesidades e demandas reais do mercado de traballo.

O Concello asina un acordo para rematar a rede de saneamentos de Razo cun proxecto de máis de 230.000 euros

CONVENIO COA CONSELLERÍA DE MEDIO AMBIENTE

O Concello asina un acordo para rematar a rede de saneamentos de Razo cun proxecto de máis de 230.000 euros

Xoves 16 de outubro do 2008

O Alcalde de Carballo, Evencio Ferrero, vén de asinar un convenio co Conselleiro de Medio Ambiente, Manuel Vázquez Fernández, para o desenvolvemento de obras hidráulicas no municipio. En concreto, este acordo permitirá a implantación dunha nova rede de saneamentos para rematar a dotación deste servizo na parroquia costeira de Razo. O importe do proxecto que se levará a cabo a través deste convenio elévase a máis de 230.000 euros, e segundo informou o rexedor carballés, Evencio Ferrero, a nova rede de colectores transcorrerá por todo o frente da zona da praia.

Entran en funcionamento no centro carballés dous puntos dixitais de información pública

NOVAS TECNOLOXÍAS

Entran en funcionamento no centro carballés dous puntos dixitais de información pública

Mércores 15 de outubro do 2008

O casco urbano da capital municipal carballesa xa dispón desde esta semana de dous puntos dixitais de información pública que darán conta das actividades que desenvolve o Concello, ademais de ofrecer todo tipo de información de interese para a cidadanía. Despois de varios días de axustes e probas, agora estas pantallas -situadas na rúa Coruña na parede da Ludoteca e na travesía Vázquez de Parga no edificio do Casino- xa están en pleno funcionamento e a disposición dos veciños e veciñas.

O Concello concede doce subvencións por un importe de 15.000 euros para desenvolver actuacións no eido dos servizos sociais

BENESTAR

O Concello concede doce subvencións por un importe de 15.000 euros para desenvolver actuacións no eido dos servizos sociais

Martes 14 de outubro do 2008

A Xunta de Goberno Local celebrada o 13 de outubro deu o visto bo á concesión dun total de doce subvencións a outras tantas asociacións sen ánimo de lucro que desenvolven actividades no eido dos servizos sociais. O importe total das axudas elévase ata os 15.000 euros e entre as entidades beneficiadas están o centro ocupacional para personas con discapacidades Aspaber -que recibiu a maior cuantía con 6.500 euros- Afaber (Asociación de Familiares de Enfermos de Alzheimer de Bergantiños), a residencia Os Chopos, Médicos do Mundo, Proxecto Home, o Centro Social San Xoán Bautista ou a Cruz Vermella.

O Concello impulsa a cobertura de Internet de banda ampla para o medio rural do municipio

XUNTA DE GOBERNO LOCAL

O Concello impulsa a cobertura de Internet de banda ampla para o medio rural do municipio

Luns 13 de outubro do 2008

O Concello de Carballo aprobou en sesión ordinaria da Xunta de Goberno Local -do luns 13 de outubro- a provisión dun servizo de Internet Rural para o municipio. Trala realización por parte da Concellaría de Promoción Económica -que dirixe Xosé Manuel García Guillín- dun estudo sobre a cobertura deste servizo nas parroquias carballesas e o desenvolvemento dun proxecto no que se recollen as claves para paliar as deficiencias existentes, o Concello pon agora a disposición das empresas de telecomunicacións interesadas en prestar o servizo esta información para que, as que o desexen, poidan solicitar as correspondentes licenzas e comenzar a despregar a rede dixital.

A Concellaría de Tráfico instala bolardos automatizados para regular a circulación na rúa Coruña

HUMANIZACIÓN DO CASCO URBANO

A Concellaría de Tráfico instala bolardos automatizados para regular a circulación na rúa Coruña

Venres 10 de outubro do 2008

Dende esta semana, a rúa Coruña da capital municipal xa conta cun sistema de bolardos automatizados que permitirá regular a circulación de vehículos nesta vía peonil. A Concellaría de Tráfico que dirixe Benedito Viña pretende deste xeito eliminar os valados que ata o de agora delimitaban os horarios nos que está permitido o tráfico rodado na vía, ademais de mellorar a imaxe das rúas e contribuír á humanización do centro urbano carballés.

Compartir: