Inicio Carballo ao día Hemeroteca


Formulario de busca
Os escolares do concello poden disfrutar das ‘Profundidades do cosmos’

CULTURA

Os escolares do concello poden disfrutar das ‘Profundidades do cosmos’

Mércores 8 de marzo do 2006

Este mércores, 8 de marzo, veñen de comezar as visitas escolares á exposición As profundidades do cosmos no Museo Bergantiños. Sesenta nenos de 3º e 4º de primaria do Colexio Artai foron os primeiros en visitar a exposición esta mañán. Os alumnos teñen a oportunidade, a través de diversos recursos, de desfrutar dunha visión xeral da astronomía e aproximarnos a diferentes aspectos relacionados con esta ciencia, como o nacemento e evolución do universo, os elementos que compoñen os sistema solar, a conquista dos espazo por parte do home, varios instrumentos astronómicos de observación, maquetas e un sistema solar a escala.

A comisión de Asuntos Económicos e Especial de Contas debate o Orzamento Xeral para 2006

COMISIÓNS INFORMATIVAS

A comisión de Asuntos Económicos e Especial de Contas debate o Orzamento Xeral para 2006

Mércores 8 de marzo do 2006

A Comisión Informativa de Asuntos Económicos e Especial de Contas reúnese esta tarde, a partir das 19,00 horas, para abordar o Orzamento Xeral do Concello para o exercicio 2006. É a segunda xuntanza que se celebra en torno ao documento orzamentario, logo de que na primeira reunión se lles facilitara a todas as formacións políticas un borrador do documento.

O Concello remata a campaña de limpeza nas praias

LITORAL

O Concello remata a campaña de limpeza nas praias

Mércores 8 de marzo do 2006

O Concello de Carballo ven de rematar os traballos de limpeza nas praias do litoral, logo de tres semanas de traballo nos areais de Razo, Baldaio, Pedra do Sal, Arnela e Leira. As Concellarías de Medio Ambiente e Servizos e Mantemento levaron a cabo a campaña, da que participaron a Brigada de Medio Ambiente, membros do servizo de limpeza viaria de ASPABER UTE e alumnos de ASPABER que fan na actualidade un cursillo de limpeza.

Convocada unha nova edición do Programa de Turismo Social

SERVIZOS SOCIAIS

Convocada unha nova edición do Programa de Turismo Social

Martes 7 de marzo do 2006

A Vicepresidencia da Igualdade e do Benestar, a través de Dirección Xeral de Acción Social, convoca para o presente ano unha nova edición do Programa de Turismo Social, dirixido ás persoas maiores da nosa comunidade autónoma. Neste programa contémplanse, entre outras, as modalidades de Turismo Termal, Turismo de Intercambio, Turismo de Praia, Turismo de Saúde e Turismo ‘Galegos no Mundo’.

O Pazo da Cultura acolle un concerto-recital de José Carbajal

CULTURA

O Pazo da Cultura acolle un concerto-recital de José Carbajal

Martes 7 de marzo do 2006

A Asociación de Uruguaios polo Mundo de Carballo, en colaboración coas Concellerías de Emigración e Cultura, o Consulado de Uruguai e a Federación de Asociacións de Uruguaios de Galicia, achega este mércores, 8 de marzo, ao Pazo da Cultura, a actuación de José Carbajal El Sabalero. Trátase dun concerto-recital no que o autor presentará en Carballo o seu espectáculo La Casa Encantada, un traballo que resume os relatos e cancións sobre a infancia, adolescencia, familia, amizade e vivencias dos lugares nos que viviu.

O Concello programa diferentes actos para celebrar o Día Internacional da Muller

MULLER

O Concello programa diferentes actos para celebrar o Día Internacional da Muller

Martes 7 de marzo do 2006

A Comisión Especial da Muller reúnese este mércores, día 8 de marzo, co fin de aprobar unha Declaración Institucional coincidindo coa celebración do Día Internacional da Muller. Será un dos actos principais a desenvolver en Carballo, que terán continuidade o día 23 de marzo con outras actividades nas que colabora a Secretaría Xeral de Igualdade. Ao longo de todo ese día desenvolveranse actos que teñen por obxecto a sensibilización e información sobre os dereitos das mulleres.

Presentado o II Premio de artigos xornalísticos normalizadores Concello de Carballo

LINGUA

Presentado o II Premio de artigos xornalísticos normalizadores Concello de Carballo

Luns 6 de marzo do 2006

O alcalde de Carballo, Evencio Ferrero, e a concelleira de Cultura, Belén Lendoiro, presentaron o II Premio a artigos xornalísticos normalizadores Concello de Carballo 2006. A iniciativa, da que participa o Servizo de Normalización Lingüística do Concello e varios medios de comunicación, persegue promover a reflexión sobre a situación social da lingua galega, crear espazos nos xornais para analizar a situación social da lingua galega e promover o uso do galego na prensa escrita.

O goberno convoca un concurso de propostas para unha nova Escola Infantil Municipal

XUNTA DE GOBERNO LOCAL

O goberno convoca un concurso de propostas para unha nova Escola Infantil Municipal

Luns 6 de marzo do 2006

A Xunta de Goberno Local de Carballo acordou, na súa última sesión, elixir como sistema de adxudicación o concurso, procedemento aberto e tramitación ordinaria para a adxudicación dun contrato de consultoría e asistencia para levar a cabo un concurso de anteproxecto, coa intervención do xurado, do edificio destinado a Escola Infantil Municipal. Inclúese tamén a contratación da redacción de proxecto e dirección de obras, ademáis dun orzamento máximo de 37 mil euros.

Música, teatro e cine conforman a cita cultural da fin de semana

CULTURA

Música, teatro e cine conforman a cita cultural da fin de semana

Venres 3 de marzo do 2006

Con motivo da celebración do Día Internacional da Muller, a concellaría de Muller e o Centro de Información á Muller organizan o espectáculo teatro-musical ¡Viva el Mestizaje!, que terá lugar o venres 3 de marzo, no Pazo da Cultura a partir das 21,00 horas. Trátase dun espectáculo onde se mesturan diversas culturas dende o respecto e o amor ao diferente, e onde a muller é o centro de reflexión.

Convocado un programa de apoio a familias con persoas maiores dependentes

SERVIZOS SOCIAIS

Convocado un programa de apoio a familias con persoas maiores dependentes

Venres 3 de marzo do 2006

A vicepresidencia da Igualdade e do Benestar, a través da Dirección Xeral de Acción Social, ven de convocar o Programa de Apoio Social a familias con persoas maiores dependentes, dentro dos Programas de Respiro Familiar. Este programa, realizado en colaboración coa Fundación Pedro Barrié de la Maza, está destinado a persoas maiores de 65 anos dependentes ou aquelas outras que sen ter os 65 anos estean diagnosticadas de demencias neurodexenerativas tipo alzheimer así como, se é o caso, para os seus coidadores habituais.

Celebrado o sorteo para a participación na Campaña de Esquí

PROGRAMACIÓN DEPORTIVA

Celebrado o sorteo para a participación na Campaña de Esquí

Venres 3 de marzo do 2006

A Casa do Concello acolleu a celebración do sorteo público para determinar que rapaces participan na Campaña de Esquí que, para nenos de 10 a 13 anos, organiza a Deputación da Coruña. O ente provincial concedeu 17 prazas a Carballo, que foron sorteadas entre as máis de 50 solicitudes presentadas no Concello.

Compartir: