Inicio Carballo ao día Hemeroteca


Formulario de busca
Aspaber inicia o proceso de limpeza e baldeado dos contedores de lixo do municipio

CARBALLO LIMPO

Aspaber inicia o proceso de limpeza e baldeado dos contedores de lixo do municipio

Venres 19 de setembro do 2008

Os traballadores do Centro Especial de Emprego Aspaber-UTE, concesionario do servizo de limpeza viaria do Concello e Carballo, acaban de principiar os traballos para proceder ao saneamento e baldeado de todos os contedores de lixo do municipio. O proceso comezou polo casco urbano, para logo irse estendendo pouco a pouco ata as parroquias do rural ata completar o territorio. Estes labores están incluídos dentro da iniciativa Carballo Limpo, que comprende diversas accións destinadas a conservar a natureza e o medio ambiente.

O Concello procede ao pintado de 120 novas prazas de zona azul na capital municipal

TRÁFICO

O Concello procede ao pintado de 120 novas prazas de zona azul na capital municipal

Venres 19 de setembro do 2008

Os operarios municipais comezaron ao longo desta semana o proceso para pintar as 129 novas prazas de estacionamento en zona azul que se están implantando nas vías máis céntricas da capital municipal. Nos últimos días xa rematou a sinalización dos aparcamentos en rúas como a Igrexa ou a San Xoán, e en breve rematarase co resto das afectadas: Vázquez de Parga, Pontevedra, Estrela, Ourense, Ponte, Avenida de Fisterra e Río Anllóns. Sen embargo, a Concellaría de Tráfico que dirixe Benedito Viña quere aclarar que o sistema non estará operativo ata que se instale a sinalización vertical correspondente para zona azul, o que non ocorrerá ata dentro duns días.

A Xunta concede 49.000 euros en axudas á Concellaría de Emigración para o desenvolvemento de actividades ao longo de 2008

SUBVENCIÓNS

A Xunta concede 49.000 euros en axudas á Concellaría de Emigración para o desenvolvemento de actividades ao longo de 2008

Xoves 18 de setembro do 2008

A Secretaría Xeral de Emigración acaba de anunciar no DOG a concesión de 49.000 euros en axudas para o Concello de Carballo que servirán para desenvolver actividades entre o colectivo de inmigrantes do municipio ao longo deste ano. Estas subvencións obtéñense ao abeiro de dúas resolucións da Xunta polas que se regula a concesión, en réxime de concorrencia competitiva, de aportacións a concellos para a realización de programas destinados a favorecer os procesos de integración da poboación inmigrante extra comunitaria -para o que se concederon 34.000 euros-, así como para o colectivo de emigrantes retornados -para o que se aportarán 15.000.

A Consellería de Cultura e Deporte concede unha axuda de 130.000 euros para a mellora da piscina Vila de Noia

OBRAS

A Consellería de Cultura e Deporte concede unha axuda de 130.000 euros para a mellora da piscina Vila de Noia

Mércores 17 de setembro do 2008

A Consellería de Cultura e Deporte da Xunta de Galicia acaba de concederlle ao Concello de Carballo unha subvención de 130.591 euros para a reforma e mellora das instalacións da piscina Vila de Noia da capital municipal. A administración local concorreu á convocatoria do departamento autonómico para a concesión de axudas destinadas á realización de obras de infraestruturas deportivas de titularidade pública ou privada e para a adquisición de equipamentos deportivos. A subvención ten carácter bianual, estando prevista unha inversión de 50.591 euros para o ano 2008 e de 80.000 para o próximo exercicio de 2009.

Comezan os traballos para a  instalación de pasos de peóns elevados no casco urbano carballés

TRÁFICO

Comezan os traballos para a instalación de pasos de peóns elevados no casco urbano carballés

Mércores 17 de setembro do 2008

Ao longo desta semana os operarios teñen iniciado as obras para a implantación de pasos de peóns elevados na capital municipal carballesa. Polo de agora, está prevista a colocación de tres destas infraestruturas no entorno de tres das rúas que conforman unha das principais arterias do casco urbano, entre a estrada de Razo e a estación de autobuses: a rúa Baixa, a rúa Perú e a Luís Calvo. Estes novos sinais de tráfico provocan un lixeiro desnivel na calzada que obriga aos condutores a reducir a velocidade do seu vehículo, o que favorecerá a seguridade dos veciños e veciñas que a diario atravesan estas vías.

O Concello e a Obra Social Caixa Galicia ofrecen un curso de formación para o autoemprego e a creación de empresas

EMPRENDEDORES

O Concello e a Obra Social Caixa Galicia ofrecen un curso de formación para o autoemprego e a creación de empresas

Martes 16 de setembro do 2008

O Concello de Carballo, a través da sua Axencia de Emprego e coa colaboración da Obra Social Caixa Galicia, organiza un curso gratuíto que leva por título 'Cómo elaborar un plan de empresa para solicitar un microcrédito'. A actividade inclúe contidos prácticos relacionados coa creación de empresas e está dirixido a persoas emprendedoras cunha idea concreta de negocio para autoempregarse e que necesiten financiamento.

A Consellería de Industria e o Concello asinan o convenio que permitirá rematar o Edificio de Usos Múltiples do Polígono de Bértoa

PROXECTOS

A Consellería de Industria e o Concello asinan o convenio que permitirá rematar o Edificio de Usos Múltiples do Polígono de Bértoa

Martes 16 de setembro do 2008

O Concello de Carballo e a Consellería de Innovación e Industria formalizan o mércores 17 de setembro o convenio que establece as liñas de colaboración para executar o Proxecto de Acabados do Edificio Municipal de Usos Múltiples no polígono industrial de Bértoa. A Xunta de Goberno do día 15 deste mes deu o visto bo ao texto deste acordo co que a administración local pretende poñer en servizo un espazo de impulso para un parque empresarial "que está chamado a ser dinamizador da actividade económica da Costa de Morte", segundo consta no texto do propio convenio.

O FIOT acada a súa faciana máis internacional coa presenza de catro compañías de toda Europa

MINISTERIO DE CULTURA E DEPORTE

O FIOT acada a súa faciana máis internacional coa presenza de catro compañías de toda Europa

Luns 15 de setembro do 2008

A organización do Festival Internacional Outono de Teatro (FIOT), integrada polo Concello de Carballo e a Asociación Cultural Telón e Aparte, está a ultimar os últimos detalles do programa que este ano constituirá a XVII edición do Festival, que nesta ocasión terá lugar durante todo o mes de outubro -entre o 4 de outubro e o 1 de novembro- e que acada a súa faciana máis internacional coa presenza de compañías chegadas de diversos puntos de todo o continente europeo.

O Concello adxudica o contrato para a renovación dos parques de xogos infantís municipais

XUNTA DE GOBERNO LOCAL

O Concello adxudica o contrato para a renovación dos parques de xogos infantís municipais

Luns 15 de setembro do 2008

A Xunta de Goberno Local adxudicou na súa sesión ordinaria do 15 de setembro o contrato de ‘Subministro e montaxe de xogos infantís para parques municipais no municipio de Carballo’. Trátase dunha adxudicación provisional que ten un custo aproximado que supera os 40.000 euros. Con esta medida, o Concello ten previsto emprender un proceso para renovar os aparellos de xogos, especialmente nas principais zonas verdes do casco urbano, como son o Parque do Anllóns e o Xardín Municipal. O obxectivo é que as instalacións poidan estar colocadas ao longo do próximo outono. Dende a Concellaría de Obras e Servizos que dirixe Luís Lamas explican que teñen realizado unha selección de equipos lúdicos adaptados á normativa e ás idades dos nenos e nenas que os van empregar.

O pub-rock, o pop máis refinado ou os sons de garaxe conforman a oferta da décimo primeira edición do Xiria Pop

XUVENTUDE

O pub-rock, o pop máis refinado ou os sons de garaxe conforman a oferta da décimo primeira edición do Xiria Pop

Xoves 11 de setembro do 2008

Despois dunha década, o Xiria Pop chega no seu mellor estado de forma á súa edición de 2008, na que, pese á caída de The Zombies, conta cun cartel moi atractivo que fai que o festival figure entre as revistas musicais de máis sona e que xa sexa unha cita de referencia nos circuítos. Os días 19 e 20 de setembro a Sala Dublín acolle este cúmulo de actuacións nas que destacan grupos como os británicos Ducks Deluxe -que visitan por primeira vez España- ou como o polifacético artista norteamericano Ben Vaughn. Completan a oferta agrupacións como The Cheeks, The Meows, Ross ou Bubblegum. Dende Galicia, e para exercer de teloneiros, chegan Quant -de Ferrol- e dende terras coruñesas os aires rockabilly de The Loveless Cousins.

O lema ‘Camiña pola túa saúde’ preside o programa de rutas de sendeirismo ‘Pasiño a pasiño’

CARBALLO SAUDABLE

O lema ‘Camiña pola túa saúde’ preside o programa de rutas de sendeirismo ‘Pasiño a pasiño’

Mércores 10 de setembro do 2008

O Concello carballés -dentro do programa ‘Carballo Saudable’- organiza un programa de rutas de sendeirismo denominado ‘Pasiño a pasiño. Rutas Saudables’, baixo o lema ‘Camiña pola túa saúde’. Trátase dunha actividade dirixida a veciños e veciñas de todas as idades que non presenten contraindicacións para facer exercicio físico e que se apunten para realizar andainas polos principais puntos naturais e de interese do municipio. Outro dos obxectivos da iniciativa e fomentar as inscricións en familia ou de grupos de diferentes idades para que se animen a practicar exercicio.

O Concello de Carballo formaliza a cesión da parcela para a Galescola unha vez rematada a exposición pública

SERVIZOS

O Concello de Carballo formaliza a cesión da parcela para a Galescola unha vez rematada a exposición pública

Mércores 10 de setembro do 2008

O Concello carballés ratifica hoxe a cesión dunha parcela de 2.500 metros cadrados para a construción dunha Galescola no entorno da estrada de Razo despois de que teña rematado o período de exposición pública sen que se rexistraran alegacións. Este novo servizo estará implantado no polígono urbano número 19, dentro da rede de oito novas rúas da urbanización que a promotora Riotorto está desenvolvendo neste entorno.

Compartir: