Inicio Carballo ao día Hemeroteca


Formulario de busca
A Xunta de Goberno Local aproba seis novas certificacións de obra

CONVOCATORIA

A Xunta de Goberno Local aproba seis novas certificacións de obra

Luns 9 de xullo do 2007

A Xunta de Goberno Local de Carballo deu o visto bo, na sesión ordinaria celebrada este luns, á aprobación de seis certificacións de obra para diferentes actuacións no municipio. Son as referentes á certificación cuarta da obra Edificio Centro Socio-cultural de Sofán. Fase II, por importe de 18.732,63 euros, a terceira da obra Ordenación e urbanización de Praza Municipal en Bértoa, por importe de 40.430,81 euros, a cuarta da obra Construcción rotonda entre as rúas Sol, Santa Ana, Oriente, Vila de Negreira e Milagrosa, por importe de 22.751,58 euros, a única da obra Modificado nº 1, urbanización e Constenla e Casadelas, por importe de 43.548,37 euros, a única da obra Dotación de capa de rodadura á Rúa Perú, por importe de 29.831,95 euros e a cuarta da obra Supresión de barreiras arquitectónicas en edificios municipais, por importe de 21.558,95 euros.

Carballo acollerá desde o xoves a I Xira de Karting Indoor de Galicia

LECER

Carballo acollerá desde o xoves a I Xira de Karting Indoor de Galicia

Luns 9 de xullo do 2007

A Casa do Concello acolleu este luns, 9 de xullo, a presentación da I Xira de Karting Indoor de Galicia, que se desenvolverá en Carballo desde o xoves día 12 até o domingo día 15. A iniciativa desenvolverase no Parque do San Martiño e os asistentes poderán vivir a emoción de subirse a un kart e experimentar as sesnsacións desta modalidade deportiva de motor. A entrada ao recinto será gratuita e a viaxe en kart costará seis euros, aínda que o Centro Comercial Bergantiños Haley repartirá 1.200 bonos cun 50% desconto. Ademais, o Concello de Carballo xa repartiu 600 entradas entre os centros de ensino da localidade, para que o seu alumnado poda disfrutar do evento. Ademais do Centro Comercial, patrocinan esta iniciativa Rhino´s, Motor Canedo, Estación de Servizo Carvolta e Thunder Road Cicles.

A bandeira azul ondeará na praia de Razo desde esta tarde

LITORAL

A bandeira azul ondeará na praia de Razo desde esta tarde

Venres 6 de xullo do 2007

Este venres, 6 de xullo, terá lugar na praia de Razo o acto de izada da bandeira azul que ondeará no litoral carballés durante a época estival. A colocación deste distintivo terá lugar ás 16,00 horas e significa para o areal de Razo o cumprimento de requisitos de calidade de augas, servizos e realización de actividades de información, educación e xestión ambiental.

O debate en torno ás dedicacións exclusivas centrou o interese da primeira sesión plenaria da lexislatura

SESIÓN PLENARIA

O debate en torno ás dedicacións exclusivas centrou o interese da primeira sesión plenaria da lexislatura

Venres 6 de xullo do 2007

O Salón de Plenos do Concello de Carballo acolleu onte xoves, 5 de xullo, a primeira sesión plenaria da lexislatura, de carácter extraordinario. O punto referente ás dedicacións exclusivas e retribucións monopolizou o debate entre goberno e oposición. A proposta saíu adiante cos doce votos a favor do grupo de goberno (BNG e PSOE) e os votos en contra da oposición (PP e TEGA). Estes últimos calificaron de inxustificable o aumento de dedicacións exclusivas en relación á pasada lexislatura, mentres que desde o goberno defendeuse a necesidade da medida para a importancia do municipio.

Música, maxia, danza e teatro, protagonistas do ‘Verán Cultural’

CULTURA

Música, maxia, danza e teatro, protagonistas do ‘Verán Cultural’

Venres 6 de xullo do 2007

A concelleira de Cultura, Belén Lendoiro, presentou esta mañá no Pazo da Cultura o programa do Verán Cultural do Concello de Carballo, que se vai desenvolver durante os meses de xullo e agosto na localidade. A música, o teatro, a danza e a maxia son os protagonistas dun extenso e variado programa pensado para todas as idades, dividido en dez xornadas e sumando un total de 20 actuacións. A maior parte das actividades desenvolveranse ao aire libre, sendo a Praza do Concello e o Xardín Municipal os referentes para disfrutar das mesmas. Dúas exposicións e outras actividades novas, como a I Xira Galega Karting Indoor ou a segunda feira literaria Praza dos Libros completan o programa.

Preto de 400 maiores de Carballo participarán do ‘II Encotro para os nosos Maiores’ no Carballiño

TERCEIRA IDADE

Preto de 400 maiores de Carballo participarán do ‘II Encotro para os nosos Maiores’ no Carballiño

Xoves 5 de xullo do 2007

Preto de 400 maiores do concello de Carballo participarán este sábado, 7 de xullo, do II Encontro para os nosos Maiores no Carballiño, Ourense, que organiza a Vicepresidencia da Igualdade e do Benestar. O prazo de inscrición mantívose aberto até finais da pasada semana, recibíndose unha grande cantidade de solicitudes tanto nos Servizos Socias do Concello coma no Pazo da Cultura.

A corporación municipal reúnese en sesión plenaria extraordinaria

CONVOCATORIA

A corporación municipal reúnese en sesión plenaria extraordinaria

Xoves 5 de xullo do 2007

O Salón de Plenos do Concello de Carballo acolle este xoves, a partir das 20,30 horas, a primeira sesión plenaria da presente lexislatura. Trátase dunha convocatoria extraordinaria que conta con nove puntos na orde do día e que servirá, entre outros asuntos, para a constitución dos grupos políticos, determinar a periodicidade das sesións ordinarias do pleno ou propor os cargos da corporación en réxime de dedicación exclusiva e retribucións. En relación a este último punto, a proposta que se levará a pleno contempla cinco dedicacións exclusivas e tres parciais.

A praza do Chorís e a praia de Razo acollen as primeiras proxeccións do ciclo Noites de Cine

CULTURA

A praza do Chorís e a praia de Razo acollen as primeiras proxeccións do ciclo Noites de Cine

Mércores 4 de xullo do 2007

O ciclo Noites de Cine, que se desenvolve ao longo dos meses de xullo e agosto dentro do programa do Verán Cultural do Concello de Carballo, bota a andar este mércores, 4 de xullo, coa proxección da película Pérez, o ratiño dos teus soños, na praza do Chorís. A proxección, que se realiza en colaboración coa deputación da Coruña, terá lugar ás 22,30 horas e será en galego.

O Grumir atendeu 24 emerxencias durante o mes de xuño

BALANCE MENSUAL

O Grumir atendeu 24 emerxencias durante o mes de xuño

Mércores 4 de xullo do 2007

O Grupo Municipal de Intervención Rápida de Carballo tivo que participar en 24 emerxencias durante o pasado mes de xuño, que arroxou un total de 127 intervencións. No tocante ás emerxencias, destacan en Carballo 17 por accidentes de tráfico e limpezas, 3 por limpezas de estradas, 2 por incendios urbáns e un incendio forestal.

O TSXG admite a trámite o recurso presentado polo Concello contra a anulación do Plan Xeral de Ordenación Municipal

URBANISMO

O TSXG admite a trámite o recurso presentado polo Concello contra a anulación do Plan Xeral de Ordenación Municipal

Mércores 4 de xullo do 2007

O Tribunal Superior de Xustiza de Galicia ven de admitir a trámite o recurso presentado polo Concello de Carballo ante a sentencia pola que se anulaba o acordo plenario de 20 de maio de 2003, no que o Plan Xeral de Ordenación Municipal de Carballo era aprobado por unanimidade da corporación municipal. O Concello conta agora cun prazo dun mes para interpoñer recurso ante o Tribunal Supremo e, con posterioridade, saber se este o admite ou non a trámite.

As Noites de Cine inician a programación do Verán Cultural

CULTURA

As Noites de Cine inician a programación do Verán Cultural

Martes 3 de xullo do 2007

Este mércores, 4 de xullo, iniciarase a programación do Verán Cultural do Concello de Carballo co ciclo Noites de Cine. A primeira proxección realizarase na praza do Chorís, a partir das 22,30 horas, coa película Pérez, el ratoncito de tus sueños, en colaboración coa Deputación da Coruña.

A Rede de Dinamización da Sociedade da Información organiza un novo obradoiro en Carballo

NOVAS TECNOLOXÍAS

A Rede de Dinamización da Sociedade da Información organiza un novo obradoiro en Carballo

Martes 3 de xullo do 2007

O vindeiro xoves, 5 de xullo, dará comezo un dos tres obradoiros que levará a cabo a Rede de Dinamización da Sociedade da Información en Carballo ao longo deste mes. As temáticas que se desenvolverán nestes obradoiros seguen a mesma liña dos realizados con anterioridade: iniciación á informática, internet e correo electrónico. O obxectivo é o de dar un paso adiante na alfabetización dixital da poboación do concello. As sesión levaranse a cabo en horario de mañá na Aula Informática Municipal, nas Antigas Escolas do Xardín.

Compartir: