Inicio Carballo ao día Hemeroteca


Formulario de busca
Mercasa presentou os bocetos do futuro edificio comercial de Carballo

COMERCIO

Mercasa presentou os bocetos do futuro edificio comercial de Carballo

Mércores 27 de xuño do 2007

Dous técnicos da empresa pública Mercasa, dependiente da Sociedad Estatal de Participaciones Industriales e do Ministerio de Agricultura, Pesca y Alimentación, desprazáronse onte martes a Carballo para dar a coñecer os bocetos do futuro edificio comercial de Carballo, que sustituirá á infraestructura actual do mercado de abastos. Na xuntanza, celebrada na Casa do Concello, particiaron todos os grupos políticos da corporación municipal a excepción do Partido Popular, que non puido acudir por problemas de axenda.

BNG e PSOE alcanzan un acordo para a gobernabilidade en Carballo

GOBERNO

BNG e PSOE alcanzan un acordo para a gobernabilidade en Carballo

Martes 26 de xuño do 2007

Os grupos municipais de BNG e PSDG-PSOE de Carballo alcanzaron un acordo para gobernar na localidade e garanten un número de 12 concelleiros no grupo de goberno. Logo das xuntanzas celebradas entre ambas formacións ao longo destas últimas semanas, o acordo estableceuse coas cesións ao PSOE das áreas de Urbanismo e Medio Ambiente, ademais das que xa xestionou a formación socialista durante a pasada lexislatura.

Amplíase o prazo para participar do ‘II Encotro para os nosos Maiores’ no Carballiño

TERCEIRA IDADE

Amplíase o prazo para participar do ‘II Encotro para os nosos Maiores’ no Carballiño

Martes 26 de xuño do 2007

O Concello de Carballo ven de ampliar o prazo para participar do II Encontro para os nosos Maiores No Carballiño, Ourense, que organiza a Vicepresidencia da Igualdade e do Benestar. Os interesados poderán apuntarse até o vindeiro xoves, 28 de xuño. O encontro terá lugar o sábado 7 de xullo e haberá servizo de autobús gratuíto polas parroquias a partir das 07,30 horas e a partir das 08,00 horas en Carballo. De momento, xa hai anotadas máis dun centenar de persoas.

As Festas do San Xoán prolongaranse até o domingo logo dos días grandes

SAN XOÁN 2007

As Festas do San Xoán prolongaranse até o domingo logo dos días grandes

Martes 26 de xuño do 2007

Logo de celebrarse os días grandes do San Xoán 2007, onde a música foi unha das grandes protagonistas, as celebracións prolongaranse até o vindeiro domingo, 1 de xullo, coa tradicional Festa do Bosque. Este martes, 26 de xuño, celébrase o Día do Neno no Parque do San Martiño, de 17,00 h. a 20,00 h., cun parque de xogos gratuito e coa organización de diferentes actividades lúdicas. A partir das 22,00 horas haberá unha nova verbena coa Orquestra Charleston Big Band e, ás 24,00 horas, a gran sesión de fogos de artificio a cargo de Pirotecnia Rocha.

O Concello establece un dispositivo especial de seguridade e tráfico para as Festas do San Xoán

SAN XOÁN

O Concello establece un dispositivo especial de seguridade e tráfico para as Festas do San Xoán

Venres 22 de xuño do 2007

A concellaría de Tráfico, Polícía e Proteccción Civil, en colaboración coa Comisión de Festas do San Xoán, ven de establecer un dispositivo especial de seguridade e reordenación do tráfico para a celebración das festas patronais de Carballo. Durante as festas, permanecerán pechadas varias rúas ao tráfico cando estas se utilicen para diferentes actividades, coma os concertos, concursos ou procesións. As rúas onde se realicen os concursos e actuacións, como as carrilanas, pasarrúas, etc, deberán estar sen coches, polo que se demanda a colaboración da cidadanía para o disfrute da festa.

La Mala Rodríguez presentará o luns en Carballo o seu novo disco

SAN XOÁN

La Mala Rodríguez presentará o luns en Carballo o seu novo disco

Venres 22 de xuño do 2007

Unha das grandes actuacións desta edición das festas do San Xoán será o concerto que o vindeiro luns, 25 de xuño, ofrecerá La Mala Rodríguez na praza do Concello. A artista presentará o seu novo traballo a partir das 23,30 horas, ampliando así a variada oferta musical que comeza no día de hoxe no paseo de Rego da Balsa. Será cun concerto de rock&roll, a partir das 23,00 horas, no que participarán Los Justicieros, Straitjackets, Pontani Sisters e George Kaiser. Antes, ás 22,30 horas, comezará na praza do Concello a actuación das orquestras París de Noia e Olympus.

Os equipamentos culturais do Concello modifican os seus horarios por mor do San Xoán

CULTURA

Os equipamentos culturais do Concello modifican os seus horarios por mor do San Xoán

Xoves 21 de xuño do 2007

Con motivo das Festas de San Xoán, os equipamentos culturais do Concello de Carballo modifican os seus horarios habituais. A Ludoteca Municipal permanecerá pechada do 22 ao 27 de xuño e o Museo Bergantiños 23 ao 26 de xuño. Pola súa banda, o Pazo da Cultura establece os seguintes horarios para as vindeiras datas: o xoves 21: de 16.00 h. a 20.00 h., o venres 22: de 16.00 h., a 20.00 h., o sábado 23: de 16.00 h. a 19.00 h. O domingo 24 e o luns 25 permanecerá pechado.

Remata o prazo para participar do ‘II Encotro para os nosos Maiores’ no Carballiño

TERCEIRA IDADE

Remata o prazo para participar do ‘II Encotro para os nosos Maiores’ no Carballiño

Xoves 21 de xuño do 2007

O vindeiro luns, 25 de xuño, remara o prazo de inscrición para participar do II Encontro para os nosos Maiores No Carballiño, Ourense, que organiza a Vicepresidencia da Igualdade e do Benestar. O encontro terá lugar o sábado 7 de xullo e haberá servizo de autobús gratuíto polas parroquias a partir das 07,30 horas e a partir das 08,00 horas en Carballo. As inscricións pódense facer nos Servizos Sociais do Concello de Carballo ou no Pazo da Cultura.

As bombas de palenque anunciaron o inicio das Festas de San Xoán

CULTURA

As bombas de palenque anunciaron o inicio das Festas de San Xoán

Xoves 21 de xuño do 2007

As bombas de palenque anunciaron, ás 12,00 horas, o inicio das festas patronais de Carballo en honra a San Xoán. A Escola de Gaitas e Danzas Bergantiños de Bértoa foi a encargada de ofrecer o primeiro pasarrúas da celebración, na praza do Concello, antes de que esta noite, a partir das 21,00 horas, a xornalista carballesa Paola Rodríguez dea lectura ao pregón inaugural. Antes, ás 20,15 horas, haberá un concerto da Banda Municipal de Carballo na praza do Concello para, ás 22,30 horas, pechar a primeira xornada das Festas coa actuación do grupo mariachis Real Azteca no mesmo escenario.

A Brigada de Medio Ambiente procede ao desbroce das pistas asfaltadas

MEDIO AMBIENTE

A Brigada de Medio Ambiente procede ao desbroce das pistas asfaltadas

Mércores 20 de xuño do 2007

Logo de proceder, recentemente, ao desbroce das pistas forestais de zahorra, a Brigada de Medio Ambiente do Concello de Carballo está a comezar o desbroce das pistas asfaltadas de acceso aos núcleos. Os traballos veñen de iniciarse coincidindo co comezo da época estival, xa que a meteoroloxía é a propicia para tal fin. De ter realizado estes traballos con anterioridade, apenas serviría de nada. Os traballos iniciáronse con dous tractores do Concello de Carballo, aos que se lle sumarán outros tres contratados a partir do día 1 de xullo.

O Concello colocará novos colectores para facilitar a reciclaxe de vidro aos establecementos hostaleiros

MEDIO AMBIENTE

O Concello colocará novos colectores para facilitar a reciclaxe de vidro aos establecementos hostaleiros

Mércores 20 de xuño do 2007

O Concello de Carballo, a través da concellaría de Medio Ambiente, colocará cinco novos colectores de vidro para facilitar a reciclaxe aos establecementos hostaleiros da localidade. A experiencia piloto desenvolverase na rúa da Estrela, a que máis volume de vidro xera, e logo extenderase a outras zonas que os propios interesados demanden. Os novos colectores permitirán o volcado de varios envases de vidro á vez, coa axuda dun cubo con asas e pedal que se acopla ao propio colector.

Compartir: