Axenda: 10 de febreiro 2016

Axenda Vive

Contacontos "O entroido dos ratos" coa compañía TrinkeTrinke na Biblioteca Rego da Balsa

TrinkeTrinke

17:30 Unha vez máis a Biblioteca Rego da Balsa recibe a visita dos ratos de Lonxedetodo da man da compañía teatral TrinkeTrinke, desta volta para presentar un contacontos de Entroido. A cita ten lugar en dúas quendas ás 17.30 e ás 19.00 horas e inclúe un relato das diferentes formas de celebrar o Entroido en distintos puntos de Galicia recollendo a tradición. A cita é de balde, aínda que é preciso recoller convite previo, e tamén forma parte das actividades de Apego, pola socialización en galego da infancia.

Axenda Vive

Exposición "Miradas 4": no terceiro andar do Pazo da Cultura até o 18 de febreiro

Exposición

18:00 A sala de exposicións Alberto Gende situada na baixocuberta do 3º andar do Pazo da Cultura de Carballo acolle até o 18 de febreiro a mostra "Miradas 4", unha escolma do traballo dun total de 31 creadores e creadoras vinculados a Muxía e a Carballo coa que se pretende dar a coñecer os traballos que están a desenvolver. A mostra, incluída no programa dos Venres Culturais 2016, pode visitarse a diario até o 18 de febreiro de 18.00 a 21.00 horas. +info: aquí.

Axenda Vive

A exposición "Vermello" pode visitarse até o 28 de febreiro no andar -1 do Pazo da Cultura

Vermello

18:00 O andar -1 do Pazo da Cultura acolle até o 28 de febreiro"Vermello", unha exposición fotográfica do Colectivo coruñés Aula K. A mostra presenta a percepción e reflexións persoais de cada un dos autores participantes a través desta cor. Os autores que participan na exposición son Alfredo Varela, Ángel Cordero, Antón Varela, Basti Soto, Brais Quintero, Carlos Rodríguez, Carolina Lorenzo, Lupe Vázquez, Manuel Vicente, Paola Velo, Pablo Santiago, Pedro Carrete, Rodrigo Moreiras e Rubén Fabeiro. Esta cita está enmarcada na programación de Venres Culturais 2016 e a mostra poderá visitarse ata o 28 de febreiro de 18.00 a 21.00 horas de luns a domingo. Máis info, aquí.

Buscador:


<< 2016 >>
<< febreiro >>
L M M X V S D
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29            

Propoñemos

aqui el nomebanner

© Concello de Carballo, 2009