Axenda: 30 de maio 2015

Axenda Vive

O Circuíto de Motor de Bértoa acolle o 3º Autocross Carballo, puntuable para o Campionato Galego

Cartel

09:00 A escudaría Máis Motor (+ motor) abre a tempada no Circuíto de Motor de Bértoa coa celebración do 3º Autocross Carballo, quinta proba puntuable para o Campionato Galego de Autocross. Un total de 74 pilotos participarán nas categorías Kart-Cross, 4x4, -1.600cc e +1.600cc. Respecto dos horarios da cita, ás 9.00, 9.15, 11.00 e 11.15 horas serán as verificacións administrativas e técnicas, mentres que ás 12.00 horas, e despois da comprobación da listaxe de pilotos, xa dan comezo os primeiros adestramentos. Xa pola tarde, a partir das 15.30 horas, disputaranse as semifinais, coas finais previstas a partir das 17.15 horas e a rolda de prensa cos vencedores da proba e a entrega de trofeos a partir das 19.30 horas. Máis info, aquí.

Axenda Vive

Oito equipos participan no Torneo de Fútbol Base da SD Sofán no campo do Carral

Cartel

09:00 Oito equipos da provincia da Coruña (Ural, Orillamar, Laracha, Paiosaco, Xallas, Dumbría, Cabana e o anfitrión, SD Sofán) participan no primeiro Torneo de Fútbol Base da SD Sofán, incluído pola Fundación de Fútbol Profesional na campaña contra a violencia no deporte "Afección + Respecto: Vive o Fútbol". O Torneo encherá de actividade o campo de fútbol do Carral dende as 09.00 ata as 21.00 horas do sábado coa presenza de categorías benxamín e alevín en formato de Fútbol 8. Máis información, clicando aquí.

Axenda Vive

O equipo cadete feminino da Escola Basket Xiria pelexa no Pavillón Vila de Noia polo título de campión de Copa

10:30 O equipo cadete feminino da Escola Basket Xiria (EBX) pelexa no Pavillón Vila de Noia polo título de campión de Copa despois dunha tempada excepcional. As xogadoras de José Tato proclamáronse campioas de liga no seu grupo, loitaron polo ascenso á Liga Galega e non perderon ningún partido na fase clasificatoria para a Copa. A Federación Galega de Baloncesto concedeu á Escola Basket Xiria a organización da fase final A4, que comeza ás 10.30 horas co partido EB Xiria Laracha-Santo Domingo Betanzos. Ás 12.30 xogan Basquet Coruña contra Calasancias, e ás 17.30 é a final.

Axenda Vive

A exposición do XVII Certame Fotográfico Xosé Manuel Eirís permanece no Pazo da Cultura até o domingo 31 de maio

Exposición

18:00 A sala de exposicións Alberto Gende situada na baixocuberta do 3º andar do Pazo da Cultura acolle a mostra do XVII Certame Fotográfico Xosé Manuel Eirís, conformada por unha escolma de 68 obras de entre as 104 imaxes de 48 autores que se teñen presentado ao concurso. A exposición pode visitarse até o domingo 31 de maio no Pazo da Cultura no horario habitual de 18.00 a 21.00 horas. Os interesados e interesadas poden obter máis información, incluíndo o palmarés do certame, clicando aquí. Clicando aquí poden verse en Facebook as imaxes gañadoras e tamén fotografías do acto de entrega de premios.

Buscador:


<< 2015 >>
<< maio >>
L M M X V S D
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Propoñemos

aqui el nomebanner

© Concello de Carballo, 2009