Axenda: 3 de xullo 2015

Axenda Vive

A exposición colectiva "Tricromías" pode visitarse até o 31 de xullo no 3º andar do Pazo da Cultura

Exposición

17:00 Creadores e creadoras de Carballo e comarca presentan un total de 29 obras artísticas en branco, negro e vermello para conformar a exposición "Tricromías", unha cita anual obrigada coa AC Crea Formas que forma parte do programa das Festas de San Xoán e na que desta volta participan: Adriana Díaz, Alejandra, Ama, Antón Díaz, Antonio Reino, Antonio Taracido, Chiña, Cristina Castro, Emi Rodríguez de las Heras (autora do cartaz anunciador), Eva Facal, Isa Fernández, Jacobo Veiga, Laura Toba, Lola Oviedo, Manuel Eirín, Miguel Couto, Milagros Cotelo, Mon Lendoiro, Mónica Noya, O'Mighelo, Oti Fernández, Peter Kramer, Raúl González, Rise, Rosa Antelo, Santi Picos, Santiago Castro, Tomas Lunas e a participación especial de Alfonso Costa Beiro, profesor este ano da Aula de Gravado Municipal; e de Paco Souto como artista convidado. Os interesados e interesadas poderán ver esta interesante mostra até o 31 de xullo na Sala de Exposicións Alberto Gende situada no 3º andar do Pazo da Cultura, en horario de 17.00 a 21.00 horas. +info, aquí.

Axenda Vive

O Circuíto de Motor de Bértoa acolle a celebración do VI Autocross Carballo, proba do Campionato de España

Cartel

17:45 A explanada do Pazo da Cultura e o Circuíto de Motor de Bértoa acollen a celebración do Campionato de España de Autocross, VII Autocross Carballo, entre o venres 3 e o domingo 5 de xullo. As verificacións administrativas opcionais comezan o venres 3 pola tarde na explanada do Pazo da Cultura e continúan o sábado 4 de xullo pola mañá, tamén no Pazo, mentres que pola tarde, a partir das 15.00 horas, xa comezan os adestramentos oficiais e a primeira manga clasificatoria no Circuíto de Motor de Bértoa. O domingo 5 de xullo son os auténticos pratos fortes, coa segunda manga clasificatoria e as finais a partir das 11.00 horas, coa entrega de trofeos prevista para as 12.30 horas. Máis información, aquí

Axenda Vive

Arrinca o programa Verán Cultural co Festival Dando a Lata e "Humor Calvo" con David Amor, Álex Clavero e Fran el Chavo

Cartel

22:30 Arrinca na Praza do Concello a programación do Verán Cultural. Comeza coa primeira das actividades do Festival Dando a Lata, que conmemora o 75 aniversario do Grupo Calvo, co espectáculo "Humor Calvo", que trae a Carballo tres grandes humoristas: David Amor, Álex Clavero e Fran el Chavo. Velada de humor cun mestre de ceremonias moi especial, o actor galego David Amor, cunha grande vinculación profesional con Carballo, que dará a vez a dous grandes monologuistas, Álex Clavero e Fran el Chavo, especialistas na comedia máis ácida, da crítica social e dos temas cotiás que tanto entreteñen. Unha noite de retranca e diversión destinada ao público máis gamberro. A cita é a partir 22.30 horas. Máis infomración sobre o Festival Dando a Lata, aquí.

Buscador:


<< 2015 >>
<< xullo >>
L M M X V S D
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Propoñemos

aqui el nomebanner

© Concello de Carballo, 2009