Menú:
Destacados
Concello de Carballo
Actualidade de Vive en Carballo
VENRES 12 DE MARZO ÁS 21.00 HORAS
A compañía barcelonesa Titzina Teatro presenta nos Venres Culturais a obra 'Exitus'
Despois da música de autor, o teatro volve ao programa dos Venres Culturais 2010. A compañía catalá Titzina Teatro presenta o espectáculo 'Exitus', unha obra na que un home na procura de emprego, un funerario, un directivo dun laboratorio farmacéutico e un avogado entremesturan as súas vidas sen que eles mesmos sexan conscientes do destino común que os une. Catro persoas que se enfrontan á morte desde puntos de vista tan diversos coma o dunha profesión, unha traxedia ou un acto irreversible da vida. A función é o venres 12 de marzo a partires das 21.00 horas. O prezo da entrada é de 3,5 euros, 2,5 euros con desconto. A taquilla está aberta o mesmo día da función de 19.00 a 21.00 horas. A duración prevista do espectáculo é de 85 minutos. Esta actuación conta coa colaboración da Agadic (Axencia Galega das Industrias Culturais).
A carballesa María José Costa Valiña, 'Chiña', emprende a súa primeira exposición cunha 'Incursión ao sutil'
O cantautor Roger de Flor presenta no Pazo da Cultura o seu traballo 'Naturalidad silvestre'
Actualidade de Atención Cidadá
11/03/2010 Un total de 45 persoas -38 mulleres- están inscritas no Banco do Tempo de Carballo, situado no Museo de Bergantiños
Un total de 45 persoas, a maioría mulleres, con 38 participantes, están inscritas no Banco do Tempo de Carballo. Esta iniciativa, que dou os primeiros pasos en decembro de 2008 coa sinatura dun convenio entre o Concello e a Asociación Mulleralia, e que está funcionando dende hai poucos meses no Museo de Bergantiños, pretende impulsar e favorecer os intercambios de tempo entre as persoas, apoiando a cooperación informal entre particulares para o desenvolvemento de diversas actividades. Deste xeito, alguén pode ofrecer gratuitamente traslados en coche a cambio de clases de cociña, por exemplo. Ademais, os Bancos do Tempo tamén contribúen á conciliación da vida laboral e familiar, e, no caso de Carballo, o Banco tamén pretende potenciar o II Plan de Igualdade de Oportunidades do Concello. Os interesados e interesadas en obter máis información poden chamar ao teléfono 622 566 228. O horario de atención das oficinas é de luns a venres de 9.30 a 13.30 horas.
Axenda de Atención Cidadá
11/03/2010 Inauguración da Exposición de obras do XII Certame Fotográfico Xosé Manuel Eirís
Actualidade de Inviste en Carballo
05/03/2010 O Concello e o CCA Carballo invitan aos veciños e veciñas á Feira das Oportunidades do comercio local
O Concello de Carballo e o Centro Comercial Aberto (CCA) da vila organizan por segundo ano consecutivo una Feira das Oportunidades na que participan un total de 30 establecementos do municipio que poñen á venda productos excedentes da temporada, moi por debaixo do prezo de mercado pero cunha excelente calidade e co prestixio engadido do comercio carballés. Esta iniciativa é a primeira e máis importante das actividades incluídas no programa do Feirón de Primavera, que, aínda que este ano cae a 30 de maio, estende no tempo as súas propostas para dinamizar o comercio e as feiras de Carballo. A Feira situarase a fin de semana do 13 e 14 de marzo nunha carpa de 1.200 metros cadrados situada no aparcamento do San Martiño e contará con 33 stands: 30 de tendas do CCA, e outros tres destinados á información e como área de descanso. O horario de apertura é de 10.00 a 21.00 horas de forma ininterrompida.
Axenda de Inviste en Carballo
11/03/2010 Cata de viños a través de videoconferencia no Telecentro do Pazo da Cultura
Buscador:
Propoñemos
© Concello de Carballo, 2009