_(535_x_143_px).jpg)
Aberto ata o 4 de abril o prazo de solicitude de vacantes nas escolas infantís As Landras e A Braña
Luns 17 de marzo do 2025
Do 15 de marzo ao 4 de abril está aberto o prazo para a solicitude de vacantes nas escolas infantís de 0 a 3 anos da rede A Galiña Azul, entre as cales figuran As Landras e A Braña.
O Diario Oficial de Galicia (DOG) publicou as resolucións que detallan o procedemento para a reserva de praza e os criterios de prioridade no proceso. As familias poderán presentar as súas solicitudes tanto de forma telemática como presencial. Ademais, terán a posibilidade de solicitar praza en varias escolas infantís, indicando na documentación a orde de preferencia.
Segundo a información proporcionada pola Consellería de Política Social, as listas provisionais de solicitantes publicaranse o 6 de maio, mentres que as definitivas daranse a coñecer o 30 de maio. Así mesmo, entre o 7 e o 13 de maio abrirase un período para a presentación de reclamacións.