Obradoiro de masaxes para bebés

Mércores 28 de marzo do 2018 17:30 h - Ludoteca Municipal

O 28 de marzo celebrarase na Ludoteca Municipal un obradoiro de masaxes para bebés seguindo o método Shantala, unha técnica milenaria, de orixe hindú, coa que se consegue relaxar e calmar aos pequenos/as. Maruxa Suárez será a encargada de amosala e descubrir todos os seus beneficios. Non podes faltar!

Participación: Actividade para bebés na que poderán participar ata un máximo de dez pais/nais cos seus respectivos fillos/as, previa inscrición na Biblioteca Rego da Balsa a partir do día 21. A entrada será de balde e por rigorosa orde de anotación.

Organiza: Ludoteca - Concellería de Cultura