Amancio Prada regresa a Carballo co recital "Meus poetas en París"

Venres 3 de agosto do 2018 22:30 horas - Praza do Concello

O cantautor ponferradino Amancio Prada regresa a Carballo para celebrar co seu público máis fiel un recital de cancións e composicións que representan o universo máis característico do estilo pradiano. Unha oportunidade única para escoitar algunhas cancións, de profundas raíces populares e pura sensibilidade, de cantores e poetas como Brassens, Léo Ferré e Moustaki, ademais dos seus propios temas e dos baseados nos textos de autores como Rosalía de Castro, Federico García Lorca ou Eduardo Pondal, entre outros.

Organiza: Concellería de Cultura 
Patrocina: Fundación Luís Calvo Sanz