A Praza dos Libros arrinca con actividades para todos os públicos

Xoves 11 de xullo do 2019 Todo o día - Xardín Municipal

Anxo Moure

Ademais de literatura, a XIV Feira da creatividade cultural de Carballo chega cargada de actividades para todos os gustos e idades. Bota unha ollada ao que che agarda no Xardín Municipal na primeira xornada da Praza dos Libros. Toma nota!

11.00h. Apertura da Praza dos Libros.
12.30h. Pregón de María Reimóndez coa actuación da Banda de Gaitas de Carballo.
18.30h. Concerto de presentación do libro-disco "A nena e o grilo máis aló", de Magín Blanco.
20.00h. Conversa de autoras entre María Canosa e Concha Blanco, que falarán sobre as súas obras "Caderno de lúas" e "Macedonia de versos". O acto estará moderado polo xornalista Santiago Garrido.
21.00h. Presentación do libro de Daniel Asorey "As mulleres da fin do mundo". Presenta o acto o xornalista Manuel Rey Pan.

Durante toda a mañá haberá un pasarrúas infantil sobre o libro "A música da auga", de Anxo Moure, con Servando Barreiro. E, ademais, todas as persoas que merquen un libro serán agasalladas cunha lata de atún Calvo. Non volo perdades!