.jpg)
Nemeth organiza a 3ª Foliada solidaria a beneficio da Cruz Vermella
Sábado 17 de decembro do 2022 20.00 horas - Mercado municipal
A Asociación Cultural Nemeth organiza para o sábado 17 de decembro a III Foliada solidaria a favor de Cruz Vermella Carballo, con recollida de alimentos non perecedoiros e produtos de hixiene. O evento celebrarase dende as 20.00 ata as 00.30 horas, na planta alta do mercado municipal.
O prazo de inscrición para os grupos que desexen tocar xa está aberto. Os interesados poden contactar coa entidade a través das redes sociais (Instagram: @acnemeth / Facebook: Nemeth Carballo) ou do número de teléfono 604002258. Poderanse anotar tanto grupos de nenos/as como de adultos/as.
Dende Nemeth animan a todas as persoas que queiran vir tocar ou bailar a que o fagan, e tamén a colaborar con Cruz Vermella.
