A VALIDEZ DOS CUPÓNS REMATA O 28 DE FEBREIRO

Remata a campaña "Este inverno presume de praceiro/a" co sorteo de 150 euros en vales de compra no mercado

Venres 20 de xaneiro do 2012

Hai que subliñar que os cheques serán cambiables unicamente no propio mercado en forma de desconto nas próximas compras a través de vales por un importe de 5 euros. A validez dos cupóns remata o 28 de febreiro de 2012. O representante da Consellería de Economía e Industria contactou in situ por teléfono cos gañadores para transmitirlles a nova e informarlles de que xa poden recoller os vales no mercado municipal. Como anécdota, hai que mencionar que un dos gañadores elixiu precisamente a Nuria Zaché como a súa praceira favorita. O obxectivo da campaña "Este inverno presume de praceiro/a. Escolle o teu preferido/a túa preferida" é incentivar o consumo de produtos perecedoiros frescos e resaltar os valores de compra nos mercados, así como a posta en valor dos profesionais que traballan cada día neles. Os interesados e interesadas en obter máis información poden facelo na web no Portal do Comerciante, dispoñible nesta mesma nova.