O CENTRO ESPECIAL DE EMPREGO PRINCIPIA CO TRABALLO EN OUTUBRO

Aspaber e o Alcalde formalizan o contrato de "Limpeza de colexios públicos de ensino de Infantil e Primaria do Concello de Carballo"

Martes 24 de setembro do 2013

Nos próximos días iranse axustando os horarios ás necesidades dos centros, dependendo de se teñen xornada de tarde, actividades extra escolares etc., o que permitirá definir tanto as horas de traballo necesarias como a cantidade de persoal, entre o que está previsto que haxa dous coordinadores. O Centro Especial de Emprego xa ten mantido conversacións dos directores dos centros para coñecer as súas demandas e ir concretando algúns aspectos do traballo, como a limpeza dos patios, das fiestras, etc. O que si teñen claro dende Aspaber é que toda plantilla que finalmente asuma o traballo contará con algún tipo de discapacidade. Está previsto que o Centro Especial de Emprego comece a desenvolver os labores de limpeza a partir do martes 1 de outubro.