MÉRCORES 20 E MÉRCORES 27 DE NOVEMBRO NO PAZO DA CULTURA

Carballo organiza por terceiro ano consecutivo un obradoiro de cantos de berce para bebés impartido por Xabier Díaz

Mércores 6 de novembro do 2013

Nas dúas sesións das que consta este taller, as persoas participantes aprenderán a cantarlles aos bebés diversas nanas galegas, tanto de autoría como populares. Xa os dous anos anteriores se organizou desde o Servizo de Normalización Lingüística de Carballo un obradoiro de características semellantes, que fora impartido en 2011 por Ugia Pedreira, cantante de Marful, e en 2012 por Xabier Díaz e Guillerme Fernández. Nesta edición este Obradoiro de nanas organízase en colaboración coa asociación Á beira dos miúdos, para o acompañamento en maternidade, crianza e educación respectuosa. Os interesados e interesadas poden descargar o cartel anunciador da iniciativa nun documento en pdf nesta mesma nova.