VENRES 6 E DOMINGO 8 DE FEBREIRO

Teatro para público adulto e para bebés no programa dos Venres Culturais con Il Maquinario e Teatro da Semente

Sábado 4 de xaneiro do 2014

O domingo 8 a compañía Teatro da Semente presenta "Chíos", un espectáculo de poesía sensorial para bebés de 0 a 3 anos con cantigas, bailes, música, poemas visuais, xogos e estimulación olfativa e táctil. Con esta obra descubrimos o mundo a través dos sentidos, transformamos obxectos, disfrutamos coa música e as palabras e exaltamos a importancia do lúdico e do contacto coa natureza. Dúas nenas xogan nun xardín de madeira onde todo é un bosque de sons e sensacións. Xunto a elas dous paxaros pequeniños chían para descubrir o mundo a través do xogo e das cancións. Asubíos dos paxaros espertando á mañá, entoando un "doces soños" á noitiña. A compañía Teatro da Semente nace no ano 2012, froito da inquedanza de dúas actrices e contacontos, Chus Álvarez e Raquel Queizás, que deciden unirse en prol do xogo, a fantasía e o amor pola infancia e o teatro, especializándose no teatro para bebés. O prezo das entradas é de 3€ e de 2€ reducido. A función terá lugar ás 18.00 horas. As entradas poden xa reservarse (nun máximo de 4 por persoa) na Concellaría de Cultura de 11.00 a 14.00 horas chamando ao 981 704 300.