CONCESIÓN DAS AXUDAS DE ESTUDOS PARA O CURSO 2015/16

Luz verde ao contrato de subministro dun furgón para o Centro de Formación e para un convenio de mantemento da UAD

Luns 21 de decembro do 2015

A sesión incluíu, así mesmo, a aprobación da concesión das axudas de estudos para alumnado do 2º ciclo de Educación Infantil e do Conservatorio Profesional de Música de Carballo para o curso 2015/2016. Presentáronse á convocatoria, aberta entre o 12 e o 29 de setembro de 2015, un total de 362 solicitudes, das que 318 foron para o 2º ciclo de Educación Infantil e 44 para o Conservatorio. Un solicitante presentou a renuncia da solicitude. Un total de 23 solicitantes foron excluídos por motivos de empadroamento, por non cumprir os requisitos económicos, por falta de documentación, por non cumprir todos os requisitos da matrícula ou por presentar a solicitude fóra de prazo. Finalmente, concedéronse 298 axudas para alumnado de 2º Ciclo de Educación Infantil por un importe de 44.700 euros; e 38 axudas para alumnado do Conservatorio Profesional de Música de Carballo por un importe total de 6.300 euros. Incrementáronse as axudas do Conservatorio en 300 euros ao incluírse o sobrante das axudas concedidas en Infantil. Por último, a sesión supuxo luz verde para catro licenzas de obra, dúas licenzas de primeira ocupación e dúas licenzas de parcelación.