DO 26 AO 30 DE XANEIRO NA CONTORNA DO ESPAZO NATURAL

Carballo acolle as xornadas "Baldaio, máis cerca" para conmemorar o Día Internacional dos Humidais

Xoves 21 de xaneiro do 2016

Durante as xornadas, terán representación diferentes faladoiros no local social de Imende e que proseguirán con visitas interpretativas polo interior das parroquias e polo coñecido humidal. Por outra banda, tamén se realizarán diversas visitas ao espazo con diferentes centros de ensino de Bergantiños, co obxectivo de deixar pegada nas xeracións vindeiras da importante e variada riqueza desta parte da Costa da Morte. Convidamos a todas as veciñas e veciños interesados a que se acheguen para disfrutar do espazo natural de Razo-Baldaio. Para coñecer o programa de actividades ao completo, pode descargarse o programa en pdf máis abaixo nesta mesma nova.