IV Certame Baile de Salón e Ritmos Latinos

Sábado 16 de xuño do 2018 Ás 17:30 e ás 19:30 - Auditorio Pazo da Cultura

IV Certame Baile de Salón e Ritmos Latinos

Esta fin de semana o San Xoán vén cargado de citas musicais. E non só para ver e escoitar, senón tamén para bailar. E, precisamente, o baile será o protagonista indiscutible da xornada que viviremos o sábado 16 no auditorio do Pazo da Cultura. Os alumnos e alumnas da AXC Arume e do Club de Baile Azúcar&Swing pasearán polo escenario as súas mellores coreografías nunha exhibición con moito ritmo na que non faltarán os bailes latinos, deportivos e de salón. Tango, bachata, chachachá, pasodobre, salsa, merengue.....Valo perder? A entrada será libre e de balde e, ademais, haberá dous pases para que ninguén quede fóra.

Participación: Todos os públicos
Entrada: Libre e de balde
Organiza: AXC Arume de Berdillo
Colabora: Club de Baile Azúcar&Swing e Concello de Carballo
Programación Festas San Xoán 2018