A actriz Neves Rodríguez conducirá a presentación do proxecto Cicl-Ando Carballo

Xoves 16 de setembro do 2021 19.00 horas - Praza do Concello

Arrinca a Semana da Mobilidade cun acto aberto a toda a cidadanía. O xoves 16, ás 19.00 horas, realizaremos a presentación pública do proxecto Cicl-Ando Carballo na Praza do Concello, coas intervencións de Juan Seoane, concelleiro de Mobilidade; Ezequiel Mosquera, ex ciclista profesional, e Milagros Lantes, alcaldesa en funcións. Será un acto ao aire libre, con proxección de vídeo, reparto de material informativo e que contará coa actriz e presentadora Neves Rodríguez como condutora. O acto será de asistencia libre ata completar aforo.