Volve a Carballo o programa "Coidados porta a porta"
Do xoves 13 de abril ata o martes 18 de abril do 2023 09.00 a 20.00 horas - Jacinto Amigo Lera Benestar
A caravana do programa de servizos asistenciais Coidados porta a porta, impulsado pola Consellería de Política Social da Xunta de Galicia, estará na rúa Jacinto Amigo Lera os días 13, 14, 17 e 18 de abril para ofrecer, de xeito gratuíto, consultas de audioloxía, podoloxía e estimulación da memoria a persoas maiores de 55 anos de idade.
Os servizos, que se prestarán, preferentemente baixo cita previa, serán os seguintes:
- Servizo de audioloxía: atención básica, informativa e prevención da xordeira.
- Servizos de podoloxía: para a prevención, diagnóstico e tratamento das principais patoloxías dos pés (eliminación de durezas, control de uñas)
- Servizos de prevención do alzhéimer e outras demencias neurodexenerativas. Consistente en: realización de probas de valoración cognitiva, exercicios e fichas de estimulación cognitiva, actividades de estimulación funcional e envellecemento activo, prevención da soidade non desexada e promoción da autonomía persoal.
As persoas interesadas poden pedir cita chamando aos teléfonos 622 748 283 e 623 546 992, ou ben enviando un correo electrónico a coidadosportaaporta.politicasocial@xunta.gal.