Obradoiro de regueifa

Venres 10 de marzo do 2023 19.00 horas - Centro social de Bértoa Lingua

O Casino1889, a Escola do Alprende, a Asociación Cultural Nemeth e a Asociación Cultural As Landras sumáronse este ano ao proxecto Enreguéifate! Estas catro entidades colaboran co Servizo de Normalización Lingüística do Concello de Carballo para que botes a lingua a pacer nos obradoiros de regueifa que dirixe a mellor regueifeira de Galicia: Lupe Blanco.

Esta semana celebraremos o cuarto e último obradoiro desta tempada, e será o venres ás 19.00 horas no Centro social de Bértoa, coa colaboración da asociación As Landras. Se queres participar non tes máis que achegarte!