Baile e cotillón pre Fin de Ano con Rocío Pérez e Martín Carrión

Domingo 29 de decembro do 2024 19.00 horas - Carpa da Praza do Concello

En Carballo anticipámonos á gran celebración de Fin de Ano cun baile para todos os públicos no que teremos música en directo, cotillón e moita animación. O domingo 29 de decembro, a partir das 19.00 horas empezará a soar a música na carpa da Praza do Concello. Actuarán Rocío Pérez e Martín Carrión, dous dos artistas habituais dos bailes dos domingos, pero nesta ocasión para facer unha festa moi familiar, na que todo o mundo ten cabida.

Pon as túas mellores galas e achégate! Haberá cotillóns, dous pases musicais de cada un dos artistas e, no descanso, xogos para todos e todas con Bonecos Animación. 

Entrada libre ata completar capacidade!