Asociación Capoeira Bergantiños - Abadá Capoeira

A Asociación Capoeira Bergantiños - Abadá Capoeira é unha entidade dedicada á práctica da Capoeira como actividade física, de saúde, desenvolvemento integral e transmisión da cultura brasileira. A Capoeira é unha arte, mestura de danza, loita e xogo, no que se traballan as habilidades físicas como son a coordinación, flexibilidade, control corporal, equilibrio, acrobacias; as habilidades sociais de comunicación e colaboración co compañeiro; as habilidades mentais de atención e concentración no xogo co outro, e as habilidades emocionais na seguridade nun mesmo e presentación en público.

A Asociación Capoeira Bergantiños constitúese como capoeira do estilo rexional, e do grupo Abada Capoeira con sede en Rio de Janeiro e coas directivas de traballo, filosofía, e graduacións propias desta gran asociación.