CULTURA

Mofa e Befa achegan o seu espectáculo ‘Sempre ao lonxe’ ao Pazo da Cultura

Venres 9 de febreiro do 2007

Como é habitual nestes dignos representantes do xénero, acuñado por eles, "teatro perralleiro", presentan un novo producto composto por material de refugallo, bens de contrabando e elementos artesáns. A diversión está asegurada cunha compañía, a de Mofa e Befa, que naceu en decembro de 1992 coa intención de crear espectáculos de humor corrosivo e na procura de públicos non habituais nas salas de teatro. Desde a súa creación, a compañía compoxinou a súa actuación en salas teatrais con participacións en festivais folk e concertos rock. O prezo da entrada para este espectáculo é de 2’5 euros e o prezo reducido de 2 euros. Pódense reservar as entradas no teléfono 981704300 ou na Concellería de Cultura, no Pazo da Cultura.