GOBERNO

Os concelleiros do BNG asumen as áreas de goberno

Martes 19 de xuño do 2007

Belén Lendoiro pasa a ser a primeira tenente de alcalde e asume as áreas de Cultura, Normalización Lingüística, Contratación e Patrimonio. Luis Lamas, segundo tenente de alcalde, asume as de Obras, Servizos e Mantemento. Dores Silveira, terceira tenente de alcalde, faise cargo da Igualdade, Benestar e Sanidade. O cuarto tenente de alcalde, Xosé Manuel García Guillén, asume as áreas de Facenda e Promoción Económica, Industria, Comercio, Ferias e Mercado, Turismo e Novas Tecnoloxías. Lourdes Rey, quinta tenente de alcalde, encargarase do Medio Ambiente, Praias, Emigración e Inmigración e Terceira Idade. Benedicto Viña asume a área de Planificación Urbanística e Xestión Municipal, Persoal, Réxime Interior, Policía, Tráfico, Seguridade e Protección Civil. María Mar Eirís asume as áreas de Formación, Emprego e Educación, mentres que Marcos Trigo fai o propio con Deportes e Xuventude.