FESTIVAL DE CORAIS O SÁBADO, CONCERTO DE PIZZICATO O DOMINGO

Dobre cita de 'Novembro con Música' para esta fin de semana

Venres 16 de novembro do 2007

As corais participantes no festival interpretarán pezas populares e tradicionais, clásicas e contemporáneas, nas que a música vocal será a protagonista.

En canto ao domingo, é quenda dun novo concerto de 'En Familia', programa dirixido especificamente ao público infantil. Nesta ocasión, o Quinteto de cordas Pizzicato ofrecerá o concerto didáctico Straordinarius, un conto musical que relata a historia do luthier Antonio Straordinarius, quen tentará recuperar a maxia musical da frauta traveseira, violín, viola, chelo e contrabaixo.

Esta actuación, que conta co patrocinio da Deputación da Coruña, terá lugar no Pazo da Cultura ás 18.00h e a entrada será libre ata completar aforo.

Podes consultar todo o programa aquí