MELLORA DAS INSTALACIÓNS DEPORTIVAS

O Pleno de Carballo aprobou o proxecto de obra no campo de fútbol anexo das Eiroas

Martes 29 de xaneiro do 2008

O Pleno de Carballo aprobou por unanimidade onte, 28 de xaneiro, os traballos proxectados para mellorar as instalacións do campo de fútbol anexo ao das Eiroas.

Esta obra precisará dun investimento total de preto de 600.000 euros e para poder acometelo o Goberno local solicitará a axuda da Deputación da Coruña dentro da II Fase do Plan Especial de Herba Artificial nos Campos de Fútbol Municipais 2007.

O proxecto estima que 400.000 euros, dos preto de 600.000 de inversión total, estarán adicados á colocación do céspede, da rede de rego e saneamento, e das porterías.

Por outra banda, a construción dos vestiarios, dun muro de contención e dun novo peche para o recinto deportivo precisarán dun investimento de 188.000 euros, según se recolle no proxecto de obra para mellorar esta instalación.