VISITA A CARBALLO DO XEFE DA DEMARCACIÓN DE COSTAS

Costas reparará "de inmediato" os danos ocasionados polo temporal no litoral do municipio

Venres 14 de marzo do 2008

Rafael Eimil visitou hoxe a zona litoral de Baldaio e Razo acompañado polo alcalde de Carballo, Evencio Ferrero; polo concelleiro de Medio Ambiente, José Antonio Viña e polo titular de Obras e Servizos, Lois Lamas.

O motivo deste desprazamento a Carballo do xefe da Demarcación de Costas do Estado foi valorar os danos que ocasionou na zona litoral do municipio o recente temporal que azotou ao noroeste peninsular en días pasados.

Evencio Ferrero destacou que aínda que os desperfectos non foron moi cuantiosos "si afectan ao correcto funcionamento dos servizos". Neste sentido, asegurou que Costas se compremeteu a acometer "de inmediato" a reparación da Ponte Grande de Baldaio.