VERÁN CULTURAL 2009

O máis cativos e cativas poden desfrutar coas 'Varietés' de Títeres Seisdedos no Xardín Municipal

Venres 17 de xullo do 2009

Os protagonistas desta obra de títeres son 'Arsenio Permanentes en el rodillo de la muerte', 'El gitano Caetano y su cabra Carolina', 'Constantino Pedaletas, rei de las monocicletas', 'La pitonisa Lola', 'Ambrosio, el payaso equilibrista', 'Tamara Seisdedos, cupletista' e 'Bartolo trapecista', personaxes que estarán manexados por Anxo Garcia e Luis Iglesias. Títeres Seisdedos nace dentro da compañía Viravolta, creada en 1982 e formada polos titiriteiros Anxo García, Pilar Álvarez e Xulio Balado. Ademais de espectáculos de títeres realizan outras actividades relacionadas co mundo dos monicreques, como cursiños, exposicións ou festivais.

Dentro de Viravolta, Títeres Seisdedos está especializada en espectáculos de pequeno formato, adaptados a calquera espazo escénico. Viravolta e Seisdedos teñen participado en numerosos festivais, circuítos e feiras, destacando entre outros a Mostra Internacional de Teatro Infantil Xeración Nós, o Festival de Teatro de Rivadavia, o Festival Internacional de Títeres de Santiago, o Festitíteres de Alicante, ou a Fira Internacional de Teatro de Titelles de Lleida. Tamén participan regularmente en feiras galegas de teatro, en campañas escolares, feiras do libro, festas populares, feiras tradicionais, circuítos culturais ou redes de teatro.