A ENTIDADE CUMPRE 7 ANOS AO FRENTE DA LIMPEZA VIARIA

Aspaber-UTE emprende o primeiro saneamento xeral anual de colectores no casco urbano

Martes 31 de maio do 2011

Nestes momentos, dende Aspaber tamén están á espera de iniciar o saneamento e limpeza dos colectores amarelos, destinados á recollida de envases lixeiros. Irán realizando estes labores pouco a pouco, segundo a empresa concesionaria do servizo de recollida de lixo, Rexer, baleire os contedores. Tamén hai que subliñar que, fóra da concesión do servizo de limpeza viaria, Aspaber realiza dúas veces ao ano a limpeza dos colectores situados no medio rural, tendo finalizado hai pouco unha delas. Estes labores están incluídos dentro da iniciativa Carballo Limpo, que comprende diversas accións destinadas a conservar a natureza e o medio ambiente, como a recollida selectiva de lixo ou a campaña de recollida de cartón 'Sácalle o aire', ademais do servizo do Punto Limpo e do Punto Limpo Móbil. Hai que lembrar aos veciños e veciñas que, para cumprir coa recollida selectiva os restos orgánicos deben depositarse no colector verde, os bricks e as latas no colector amarelo e o papel e o cartón no azul. O vidro vai aos iglús verdes. Por último, as baterías e os medicamentos son recollidos en diversos establecementos colaboradores, nos minipuntolimpos situados na Praza do Concello e na rúa Fomento, e nas farmacias da vila.