DISPOÑIBLES TICKETS PARA O RESTO DAS OBRAS DO AUDITORIO E OTNI

Esgotados os Minibonos A e B para as funcións de sala do FIOT, así como as entradas para ver a Els Joglars e a Carmen Machi

Luns 1 de outubro do 2012

Esta é a primeira edición na que os organizadores do Festival habilitan a televenda para mercar os bonos, minibonos e entradas soltas o que, á vista dos resultados, se confirma como unha canle de acceso universal e equitativa para os usuarios que, desde a súa propia casa ou desde o lugar onde estean, poden iniciar o proceso de compra en calquera momento do día. Respecto dos prezos e condicións para a venda de entradas soltas para o resto das funcións que aínda están dispoñibles son os seguintes:

• PREZOS: ESPECTÁCULOS DO AUDITORIO
  • "O método Gronhölm" (día 12), "En alta mar" (día 13), "A función do tequila" (día 20), "Acto cultural" (día 26) e "Viaxe a ningunha parte" (día 27): 6€
  • "Contra el viento del norte" (día 7): 10€
  • "El Montaplatos" (día 19): 12€
  • "Juicio a una zorra" (día 21): 15€ (esgotadas)
  • "El Nacional" (día 31): 18€ (esgotadas)
• PREZOS: CICLO OTNI
  • Entrada 3€ : "Decamerón" (dia 14), "Calla y come" (dia 25) e "Fingir" (dia 28).
• ENTRADAS SOLTAS (Programa de sala e Ciclo OTNI):
  • Desde o día 1 de outubro ata o día antes de cada función:
    <www.servinova.es> ou no teléfono 902 504 500
  • Día da función: de 19.30 a 21.00 horas no despacho de billetes do Pazo da Cultura